Dad Rayid ah oo ku dhintay Dagaal culus oo Xalay ka dhacay Magaalada B/xaawo Gobalka Gedo
MudugNet, Muqdisho, Axad, 31ka Janaayo, 2010.
Warar dheeraad ah ayaa kasoo baxaya weerar Maleeshiyo Hubaysan ku qaadeen duleedka degmada B/Xaawo gobalka Gedo oo ay maamulaan kooxo Mucaaradsan dowlada KMG ah.
Wararka nagasoo gaaraya degmada B/xaawo ayaa xaqiijinaya in uu geeriyooday qof Rayid ah oo ahaa Darawal Haweenay rayid ahna ay dhaawacantay kadib markii maleeshiyo hubaysan weerar ka gaysteen duleedka B/xaawo gaar ahaan meel ay iskula sugnaayeen ciidan iyo shacab.
Dagaalka oo ahaa mid culus ayaa hurdada ka kiciyay shacabka magaaladaas waxaana lamqlayay rasaas xoogan oo ay labada dhinac is dhaafsanayeen
Ilo Xog ogaal ah ayaa sheegaya in kooxaha weerarka soo qaaday ay kasoo duulaan tageen degmada Doolow, isla markaana ay ka tirsa nyihiin Maleeshiyaadka Barre Hiiraale.
Ninka dhintay ayaa kasoo jeedo magaalaa Muqdisho wuxuuna ahaa Nin Darawal ah oo kaxaynayay Gaari Rakaab ah oo kusii jeeday degmada Mandheera, kenya.
Mudugnet.com Xafiiska Wararka Magaalada Muqdisho
Warar hoosaad ay heleen tifatirayaasha MudugNet balse aanan hubin ayaa sheegaya in aaney Ciidamada Ethiopia iyo Kuwa Barre Hiiraale Wax lug ah ku laheyn dagaalkan Beled xaawo, balse uu yahay kacdoon ka mid kuwa lagu xidido siibayo Argagixisada Shabaab iyo Khawaarijta Saaxirada Singa singaha wata kuwaasoo kacdoo shacab kaga furmay dalka oo dhan tan iyo intii ay qaraxa arxan dararada leh ka geysteen Xafladii Qalin jabinta.
Cabdirisaaq cadde
Toronto, canada.
