Markab Dhuxul siday oo ku gubtay Dekadda weyn ee magaalada Muqdisho
MudugNet, Muqdisho, Sabti, 30ka Janaayo, 2010.
Markab Xamuul ah ayaa maanta ku gubtay Dekadda weyn ee magaalada muqdisho kadib markii sida la sheegay uu dab qabsaday Jawaano dhuxu ka buuxda oo uu waday.
Goob joogayaal ayaa sheegay in Markab dhuxu siday uu sidaran ugu gubtay Dekadda waxaana kasoo baxaya Warar kala gedisan ee gubashadiisa ku saabsan.
Markabka ayaa lasheegay in isagoo gubanaya uu ku soo xirtay dekadda, iyadoona markabka uu sido dhuxul fara badan oo lasheegay inuu ka qaaday dekado macmal ah oo ku yaala gudaha dalka Somalia.
Wararka ayaa sheegaya in markabka laga soo celiyey dekad ku taala dalka Cumaan kadib markii dowladda Cumaan ay diiday in markabka uu dalkeeda ku soo xirto.
Dadaalo loogu gurmanayo markabka ayaa kasocda dekadda weyn ee magaalada Muqdisho kuwaas oo ay wadaan dowladda KMG ah, ciidamada AMISOM iyo xoogsatada ku sugan dekadda weyn ee magaalada Muqdisho.
Mudugnet.com xafiiska Wararka Magaalada Muqdisho
