Haween Reer Muqdisho ah oo ku Goodiyay in ay wadooyinka ku jiidayaal Ciidanka Jabuuti haday Muqdisho Cagta soo dhigaan
MudugNet, Muqdisho, Sabti, 30ka Janaayo, 2010.
Shacabka magaalada Muqdisho ayaa si daran ugasoo horjeestay Yaboohii kasoo yeeray dowladda Jabuuti ahaa in ay 450 Askari usoo diri doonto magaalada Muqdisho si ay AMISOM ula saftaan.
Haweenka magaalada Muqdisho ayaa digniin culus u diray Dowladda Jabuuti ee deriska la ah Somalia.
Reer Muqdisho oo Warbaahinta kala hadlay Xukuumadda Ismaaciil Cumar Geelle ayaa sheegay in ay u diyaar garoobeen in Maydadka wiilasha Jabuuti ku jiidaan wadooyinka magaalada Muqdisho hadii ay cagta soo dhigaan ciidda Somalia.
Haweenka Muqdisho oo kulan yeeshay ayaa shaaciyay in ay ka xunyihiin in dad Somali ah ay qayb ka noqdaan duulaanka lagusoo qaaday Somalida waloow Jabuuti ay walaal la tahay shacabka.
"waxaan ugu baaqaynaa in Jabuuti aysan Muqdisho usoo dirin wiilal Somali ah oo cadaw nagu ah, majeclaysan in Maydadka wiilasha Jabuuti lagu jiido Baar Ubax iyo Black Sea laakin waa ku jiidaynaa hadii ay Xamar cagta soo dhigaan"ayay tiri mid kamida Haweenka Muqdisho.
Reer Muqdisho ayaa lagu yaqaan in ay wadooyinka ku jiidaan quwada shisheeye Dibadda ugasoo duula, waxayna horay wadooyinka ugu jiideen Ciidankii Itoobiyaan, Pakistan, Ugaandhays, Nigeria iyo Maraykan dhamaantoodna waxay Somalia ka bexeen iyagoo jabay laakin weli xal lagama helin Somalia.
Mudugnet.com xafiiska Wararka Magaalada MuqdishoHadal yar aan iraahdo Haweenkaan waalaalaheyga ah : Waa ina Awbaahaloow oo idin leh yaan been la idiin sheegin Ciidanka Jabuuti Duulaan idinkuma aha waxay idin ka celinayaan Khawaarijta Argagixisada ah ee Ilaah iyo Rasuul aan rumeysneyn iyo Cawaanta Soomalida ah ee ay ku adeegsadaan,
Hadii aad tihiin Dumar u sixran Khawaarijtana oo ay xaaraan ku qabaan allaha idin soo hanuuniyo Sixir fur baad u baahan tihiin, sun ha la idiin qasee
