Mas'uul katirsan Wasaaradaha Dowladda KMG ah oo si qarsoodi ah Muqdisho loogu dilay
MudugNet, Muqdisho, Khamiis, 28ka Janaayo, 2010.
Koox Hubaysan ayaa magaalada Muqdisho ku dilay sarkaal sare oo u shaqaynayay wasaaradaha Dowladda KMG ah ee aan sida Firfircoon uga shaqayn dalka Somalia.
waxaa laxaqiijiyay in ladilay Nin u shaqaynayay wasaaradda Xanaanada Xoolaha Dhirta iyo Daaq dowlada KMG ah xilli amaanka Muqdisho sii xumaaday.
Wasiirka wasaaradda Xanaanada Xoolaha dowladda KMG ah Abuukar Cabdi Cismaan Bardaadi oo la hadlayey warbaahinta ayaa sheegay inay sameynayaan baaritaano la xiriira dil shalay magaalada Muqdisho loogu geystay Xisaabiyihii guud ee wasaaradda Xanaanada Xoolaha.
Wasiirka ayaa sheegay inaan si rasmi ah loo hubin cidda ka dambeysa dilka sargaalka, waxana uu sheegay in wasaaradiisu dadaal fara badan ku bixinayso sidii loo xaqiijin lahaa cidda ka dambeysa dilka sargaalka.
Dowladdu waxay sheegtay in ay Baaritaanno waddo laakin waxaa la sheegay in ay baxsadeen Kooxihii Dilka wuxuushnimada ah gaystay mana jirto cid aqoonsatay kooxahaasi.
Mudugnet.com Xafiiska Wararka Magaalada Muqdisho
