Ciidamo Itoobiyaan ah oo soo galay Jawiil iyo Kalbeyrka Gobalka Hiiraan bartamaha Somalia
MudugNet, Muqdisho, Khamiis, 28ka Janaayo, 2010.
Boqolaal katirsan Ciidamada Itoobiya ayaa qaab Gurmad ah kusoo galay dhulka Somalia gaar ahaan Gobalka Hiiraan oo ay ka socdaan dagaallo, Cudubto Itoobiyaan ah ayaa lagu arkay Kalabeyrka oo aan B/weyne ka fogayn
Wararka laga helayo gobolka Hiiraan ayaa sheegaya in ciidamo Tigree ah oo wata gaadiidka dagaalka ay maanta fariisin ka dhigteen halkaas, waxaana wararku sheegayaa inay isku balaariyeen deegaanada ku dhow isgoyska Kalabeyrka.
Ciidamadan Tigreega ah ayaa wararku sheegayaa inay isku dhiririyeen dhulka buuralayda ah ee ku teetsan deegaanka Kalabeyrka, waxaana ay sidoo kale baaritaano ku bilaabeen gaadiidka safarka ah ee isticmaalka halkaas.
Qoysaska ku dhaqan deegaanka Kalabeyrka iyo deegaanada ku teetsan ayaa bilaabay inay guryohooda ka barakacaan cabsi ay ka qabaan waxyeelo kasoo gaarta ciidamada Ethiopia ee maanta dib ugu soo laabtay deegaanka Kalabeyrka ee gobolka Hiiraan.
Qul qulka Ciidanka Tikreega ayaa yimid kadib markii Dagaallo dhawaan ka dhacay magaalada B/weyne loogu Jebshay Maleeshiyaadkii Dabageed ee Itoobiya kusoo tababartay deegaanka Feer Feer dhulka Somaligalbeed ee Itoobiya gumaysiga ku hayso,waxaana laga cabsi qabaa in Itoobiyaanku ay qayb ka noqdaan dagaalada Hiiraan ka socda.Mudugnet.com Xafiiska Wararka Magaalada Muqdisho
