Madaxweyne Shariif oo kulan laqaatay R/wasaaraga dalka Ingiriiska
MudugNet, Muqdisho, Axad, 7da Maarso, 2010.
Madaxweyne Shariif ayaa magaalada London kulan kula yeeshay R/wasaaraha dalka Ingiriiska iyo saraakiil kale oo maalmihii lasoo dhaafay siweyn udanaynayay in uu kulan laqaato hogaamiyahan qunyar socodka ah ee horay uga mid ahaan jiray Islaamiyiinta.
Wafdiga madaxweynaha ayaa waxaa kamid ah Wasiirka Maaliyadda ahna R/wasaare ku xigeen Shariif Xasan Shiikh Aadan, Wasiirka arrimaha dibadda Cali Jaamac Jangali iyo Wasiirka Tacliinta sare Maxamed C/laahi Oomaar.
C/raxmaan Ibbi wasiirka Kaluumaysiga iyo Kheyraadka badda ahna R/wasaare ku xigeenka 1-aad ayaa faah-faahin ka bixiyey safarka madaxweynaha dowladda KMG ah iyo wafdigiisa ugu ambabexeen magaalada London ee dalka Ingiriiska.
"Arrimaha labada dal ayey ka wada hadli doonaan, waxaana madaxweynaha iyo wafdigiisa ay dalka Ingiriiska ku sugnaan doonaan muddo seddax maalin ah" ayuu yiri C/raxmaan Xaaji Aadan Ibbi.
kulanka oo galabta dhacay ayaan la ogayn waxa laga wadahadlay hadane waxaa jira warar sheegaya in madaxweynuguu uu taageero caalami ah warsaday Ingiriiska gaar ahaan ladagaanka kooxaha Islaamiyiinta oo caqabad ku ah dowladiisa.
