Dagaallo Muqdisho ka dhacay iyo Ciidanka dowladda oo daqiiqado kooban haystay Isgoyska KPP degmada Hodon magaalada Muqdisho
MudugNet, Muqdisho, Talaado, 2da Maarso, 2010.
Dagaallo aad ucuslaa ayaa maanta magaalada Muqdisho ku dhaxmaray xoogaga islaamiyiinta iyo kuwa dowlada oo kaashanayay ciidamada AMISOM ee Muqdisho ku sugan, dagaalka kadib ayay ciidanka Yugaandha madaafiic ku garaaceen Suuqa Bakaaraha waxaana ka dhashay khasaara culus.
Iska horimaadka ayaa lasheegay inuu ka dambeeyey kadib markii ciidamo katirsan dowladda KMG ah ay dhaqdhaqaaqyo ciidan ka sameeyeen isgoyska Tarabuunka ee degmada Hodan, iyadoona markaa kadib ay iska caabin kala hortageen xoogagga hubaysan.
Goob joogayaal ayaa sheegay in ciidamada dowladda KMG ah ay doonayeen inay isku balaariyeen deegaanada ku teetsan isgoyska Tarabuunka ee degmada Hodan balse ay usuura geli waysay arrinkaas.
Ilo madax banaan ayaa sheegaya in ciidamada dowladda KMG ah ay markii hore la wareegeen gacan ku heynta deegaano dhowr ah oo ay xitaa qabsadeen isgoyska KPP balse markii dambe dib loo celiyey.
dagaalka ka dib waxaa jiray madaafiic lagu garaacay qeybo kamid ah xaafadaha degmooyinka Hodan, Howlwadaag iyo Wardhiiglay kuwaas oo khasaare u geystay dad rayid ah, madfac kusoo dhacay dhismaha shirkadda ganacsiga Dahabshiil Bakaaaraha ayaa sababay dhaawaca 6 ruux oo kamid ahaa shaqaalaha shirkadda.
Mudugnet.com Xafiiska Wararka Magaalada Muqdisho
