Khilaaf Xoogan oo ka dhax aloosan Cumar Cabdi Rashiid iyo Aadan Madoobe gudoomiyaha Baarlamanka dowlada KMG ah.
MudugNet, Muqdisho, Sabti, 27ka Feberaayo, 2010.
Khilaafaad xoogan ayaa soo kala dhax galay Madaxda ugu raysa dowladda KMG Somalia kaaso oo ku aadan xilalka ay hayaan RW Cumar cabdi Rashiid iyo Aadan madoobe gudoomiyaha baarlamanka oo la sheegay in ay wadaan xarig jiid siyaasadeed.
Aadan Madoobe ayaa laxaqiijiyay in uu diyaarsaday 90 Xildhibaan oo uu doonayo in ay gudbiyaan Mooshin ka dhan ah Xukuumadda R/wasaare Cumar Cabdi Rashiid Cali Sharmaake oo dowladiisu aysan weli wax qaban.
Khilaafkan wuxuu udhaxeeyaa Gudoomiyaha golaha barlamaanka Sheekh Aadan Maxamed Nuur Madoobe iyo Mudanaayl ka tirsan golaha barlamaanka oo aaminsan inuu waqtiga ka dhamaadey gudoonkooda.
Xildhibaan Cumar Islow oo kamid ah mudanaaysha golaha barlamaanka islamarkaana ka mid ah xubnaha sida weyn u diidan Gudoomiye-nimada barlamaanka ee sheikh Aadan Maxamed Nuur Madoobe ayaa qaba inuu dhamaadey waqtiga gudoomiyaha islamarkaana ay waajib tahey inuu xilka isaga dago.
Xildhibaan Islow ayaa hadakiisa intaa kusii darey in la gaarey waqtigii Mudayaasha barlamaanka ay dooran lahaayeen gudoon cusub isagoona carabka ku dhuftey in Xildhibaanada golaha barlamaanka ay hor taalo 15-casho oo ay ku dooran karaan gudoon badala kan hadda jira.
Sidaas oo tahey waxaa jira Mudanaayl kale oo iyana aaminsan inuu dhamaadey waqtigii reysal wasaaraha dowladda kmg ah uu xilkiisa ku ekaa islamarkaana la doonayo in madaxweynaha uu soo magacaabo Reysal wasaare cusub waxaana xildhibaanadaasi kamid ah Cali jeyte Cismaan.
