Wasiirka Warfaafinta Dowladda KMG oo sheegay ineysan jirin xiriir ka dhaxeeya Xubno ka tirsan dowladda iyo kooxaha mucaaradka ee ka horjeeda Dowladda.
MudugNet, Muqdisho, Sabti, 27ka Feberaayo, 2010.
Wasiirka warfaafinta Dowladda Kmg Daahir Maxamuud Geelle ayaa waxba kama jiraan ku tilmaamay wararka sheegaya in qaar ka mid ah wasiiro iyo xildhibaano ka tirsan dowladda Kmg ay xiriir iyo fikir siyaasi ah la wadaagaan kooxaha hubaysan ee mucaaradka ku ah dowlada sida xarakadda Al-Shebab iyo ururka Xisbul-Islaam.
Daaahir Maxamuud Geelle oo socdaal shaqo ku maraaya qaar ka mid ah dalalka Yurub iyo waqooyiga Ameerica ayaa sheegay xiriirka dherx mari kara xubanaha dowladda iyo kooxaha ka soo horjeeda uu noqon karo wada hadalo dhinaca nabadda ah,balse aanu jirin xiriir kale oo ka dhaxeeya Mucaaradka iyo xunaha Dowladda.
Wasiirka warfaafinta waxa kaloo uu sheegay in la joogo xiligii dowladda ay wax ka qaban lahayd Kuwa ka soo horjeeda dowladda iyo Diinta sida uu hadalka u dhigay wasiirka oo wareysi siiyay laanta Afka soomaaliga Idaacadda VOA,isla markaana uu wali socdo dhismaha ciidamada kala duwan ee Dowladda kuwaasi oo nabad iyo xasilooni dalka ku soo dabaali doono.
Daahir Maxamuud Geelle mar uu ka hadlay awood yarida ciidamada Sirdoonka dowladda oo ku guuldareestay fashilinta qaraxyadda lala beegsado madaxda Dowladda isla markaana aysan qabanin ciidamada howlihii looga baahnaa waxa uu sheegay in ciidamada aysan wali ka soo kabanin buruburkii ku dhacay Qaranka,balse sida ugu dhaqsiyaha badan ay u howlgali doonaan,isagoo tilmaamay in ciidamada ay fashiliyeen qaraxayo badan ayna soo qabteen dadkii ku howlanaa.
Hadalka wasiirka warfaafinta Dowladda ayaa ku soo beegmay xili dhawaan mudane ka tirsanaa baarlamanka is casilay baarlamanka isla markaana iskuna dhiibay Xarakadda Al-shebaab.
Mudugnet-Nairobi.
