Ciidamo katirsan Dowladda KMG Somalia oo ku dagaalamay wadada Villa Baydhabo magaalada Muqdisho
MudugNet, Muqdisho, arbaco, 24ka Feberaayo, 2010.
Ciidamo ka tirsan Dowladda KMG Somalia ayaa markale qalabka isku qaatay kadib markii qaar katirsan Ciidanka dowladu ay isku dayeen in ay dhacaan Dad rakaab ah oo saaraa gaari ku safrayay agagaarka Villa baydhabo.
Dagaalka ayaa lasheegay inuu ka dambeeyey kadib markii ciidamo katirsan dowladda KMG ah ay dhac u geysteen arday kasoo baxday iskuul oo maraysay meel ku dhow isgoyska Zoope, iyadoona markaa kadib falka ay ku soo bexeen ciidamo kale.
Labada ciidan ayaa lasheegay inuu dhexmaray iska horimaad sababay dhaawac soo gaaray 8-qof oo rayid ah oo ay ku jiraan qaar kamid ah ardaydii ay dhaca u geysteen ciidamada dowladda KMG ah.
Goob joogayaal ayaa sheegay in mudadii uu socday iska horimaadka dhexmaray labada ciidan ay hakad galeen dhaqdhaqaaqyada gaadiidka BL-ka iyo goobaha ganacsiga inkasta oo markii dambe ay dib u furmeen.
Saraakiisha ciidanka dowladda KMG ah way ka gaabsadeen inay ka hadlaan iska horimaadka maanta labada ciidan ee kawada tirsan dowladda KMG ah ku dhexmaray isgoyska Zoope ee magaalada Muqdisho.
Mudugnet.com Xafiiska Wararka Magaalada Muqdisho
