Mid ka tirsan Khawaarijta Al Qacida oo xalay lagu dilay Muqdisho
MudugNet, Muqdisho, Isniin, 8da Feberaayo, 2010.
Dil xalay Magaalada Muqdisho loogu geystay Khawaarij ka tirsan Al Qacida isla markaana xubin fir fircoon ka ahaa Xarakada Al Shabaab ee ka dagaalanta Umadda Soomaaliya.
Warar lagu kalsoon yahay oo maanta soo baxay ayaa sheegaya in Amaar Ibrahiim oo ah nin u dhashay dalka Urdun (Cadaabta Jahanama Allaha ku fogeeyee) in xalay lagu qaarjiyey guri ku yaala xaafada Adalle degmada Yaaqshiid ee Magaalada Muqdisho gaar ahaan agagaarka Hotel Kaah iyadoo sida la sheegay ay dilkiisa geysteen qaar ka mid ah ilaaladiisa.
Warar soo baxay saakay aroortii ayaa sheegay in ninka ay rasaas la dhaceen ilaaladiisa fiidnimadi xalay xilli uu cibaadeysanayey hase ahaatee waxaa la ogaaday in Mr Ibraahim uu is difaacay ka hor inta uusan dhiman.
Ilo wareedyo lagu kalsoon yahay ayaa sheegay in dilka ninkan ay ka danbeeyaan muqaabaraadka Mareykanka iyaga oo adeegsaday lacago iyo balan qaad ay u sameeyeen raga ka danbeeyey dilkiisa halka warar kale ay tibaaxayaan in dilkiisa uu salka ku ahaa muran kala dhaxeeyey saraakiil kale oo ka tirsan Al Shabaab gaar ahaan kuwa Ajnabiga ah.Muddooyinkaan dambe ayaa Waxaa Khawaarijta iyo Alshabaab soo kala dhex galay Shaki weyn iyo Tuhun midba midka kale ka qabo, iyagoo ragga horbooda Shabaabka iyo Khawaarijtu ay wadaan is ugaarsi dhexdooda ah.
Amaar Ibrahiim ayaa ah muwaadin u dhashay dalka Jordan wuxuu magaciisa caan noqday marki dagaalada ay ka bilowden dalka sanadi 2007,wuxuuna dhawaan loo magacaabay madaxa Al Qacida ee Somalia isaga oo bedelay Salax Nabhaan oo ay Mareykanku sanadki hore ku dileen magaalada Barawe.Dilka Saqajaankan catrabka ayaa ah guul u soo hoyatay umadda Soomaaliyeed waxaana ka rajeyneynaa dhalinyarada kale ee Alshabaab ee la marin habaabiyay iney sidoo kale madaxa ka toogtaan kuwa marin habaabinta u horseeday Diinta Islaamkana ku been abuurta
Mudugnet.com Xafiiska Wararka Magaalada Muqdisho
