Kufaarta AMISOM oo duqaymo Khasaara dhaliyay ka gaysatay degmooyin katirsan Magaalada Muqdisho.
MudugNet, Muqdisho, Isniin, 8da Feberaayo, 2010.
Warar Dheeraad ah ayaa kasoo baxaya duqaymo arxan darra ah oo ay Ciidamada Shisheeye ka gaysteen qaybo katirsan Waqooyiga iyo Koonfurta magaalada Muqdisho waxaana jira khasaara aad u xoogan oo soo gaaray dadka Rayidka ah.Duhurnimadii maanta ayaa waxaa la maqley madaafiic xoogan oo kasoo dhaceysa xarumaha dowladda kmg ah iyo saldhigyada ciidamada shisheeye ee Ugandha iyo Burundi ay ku leeyihiin magaalada muqdisho kuwaasi oo si daran ugu hoobanayey xaafado ka tirsan degmooyinka yaaqshiid iyo wardhiigley ee gobolkan Banaadir.
Inta la ogyahey madaafiicdaasi oo ahaa kuwa aad u culus waxey sababeen dhimashada hal ruux oo rayid ah iyadoona ay ku dhaawacmeen kudhawaad 4-kale oo dhamaantood ahaa dad rayid ah oo madaafiicdu ay ugu tagtey deegaanadadii ay degenaayeen.
Xaafadda Xamar Bile ee degmada wardhiigley ayaa madfac xoogan oo kusoo dhacey waxaa uu sababey geerida hal ruux iyo dhaawaca tiro kale oo aan si rasmi ah loo garaneynin cadadkooda iyadoona madaafiic kale ay ku dhaceen xaafadda suuq bacaad ee degmada yaaqshiid.Dhibaatadan ay Ciidanka shisheeye ka gaysteen xaafadaha magaalada Muqdisho ayaa kusoo aadaysa xilli aanay magaalada Muqdisho ka jirin wax dagaallo ah oo u dhexeeya dhinacyada isku diidan siyaasadda.
Mudugnet.com Xafiiska Wararka Magaalada Muqdisho
