Dowladda KMG ah oo dhaqaale xumo aawgeed aan dagaal ku qaadi karin Islaamiyiinta
MudugNet, Muqdisho, Talaado, 9ka Feberaayo, 2010.
Dowladda KMG Somalia ayaa la sheegay in ay ku fashilantay abaabul dagaal oo ay ku doonaysay in ay ku qaado islaamiyiinta kadib dhaqaale xumo soo wajahday waxaa kale oo la sheegay in ay jirto isku xirnaan la'aan ka dhax aloosan madaxda dowladda.
Wakaalada wararka ee AP ayaa Maanta daabacday in dib u dhaca howlgalada Ciidamada dowlada ay ka samayn lahaayeen dalka Somalia uu ragaadiyay dhaqaalo la'aan taas oo ay ugu horayso mushaar la'aan haysata ciidamadii loogu talagaly in ay howshaas qabtaan.
Wakaalada AP oo waraysatay Wasiiru dowlaha Gaashaandhiga Dowlada KMG Soomalaiya Sh Yuusuf Maxamed Siyaad Indha cade ayaa waxaa uu sheegay in beesha caalamka ay ka gaabisay taageerada maaliyadeed ee ciidamaad dowlada KMG Soomaaliya.
Sh yuusf indha cadde ayaa ku goodiyay in ay diyaar uyihiin dagaal xoogan oo ay la galaan dhinacyada kasoo horjeeda sida uu hadalka udhigay, waxaana uu intaas kudaray in ciidamada dowlada uu u dhamaaday diyaar garowgoodii ay wadeen.
Warkan ayaa khilaafsan Hanjabaado ay wasiiro katirsan dowladda maalmihii lasoo dhaafay ay ka jeedinayeen Idaacadaha magaalada Muqdisho kuwaasi oo ku baaqayay dagaal ka dhan ah Islaamiyiinta mucaaradka ah.
Mudugnet.com Xafiiska Wararka Magaalada Muqdisho
