Magaalada Muqdisho oo ay dhinacyadu Dagaal kala bax ah u diyaar Garoobeen
MudugNet, Muqdisho, Sabti, 6da Feberaayo, 2010.
dhaq dhaqaaqyo Ciidan oo aad u xoog ban ayaa aga dareemayaa degmooyinka magaalada Muqdisho kuwaas oo u dhexeeya Xoogaga Islaamiyiinta ah iyo Ciidamo taabacsan dowlada KMG ah oo taageera ka helaya AMISOM.
Dowladda Shariifka ayaa Ciidamo farabadan kusoo kordhisay aagaga ay isku hor fadhiyaan xoogaga Mujaahidiinta ah iyo Maleeshiyaadka dowladda.
Ilo wareedyo aan ka helnay goobaha dagaalka ayaa xaqiijinaya in Dowlada Federaalka KMG Somalia ay Mushaar uqaybisay Mushaaraad kadib markii ay dhawaan Muqdisho soo gaareen Saraakiil katirsan Q.Midoobe iyo Beesha caalamka waxaana la sheegay in ay dhaqaale siiyeen madaxda dowladda.
Xoogaga Islaamiyiinta ayaa iyana u diyaar garoobay dagaal uga yimaad Maleeshiyada dowladda iyo ciidamada AMISOM, saacadaha soo socda ayaa lafilayaa in magaalada ay ka dhacaan dagaallo lamase oga waxa ka dhalan kara dagaalka.
Afhayeenka howlgalada ururka Xizbul Islaam Maxamed Cismaan Caruus ayaa ku eedeeyey dowladda KMG ah inay ciidamo fara badan soo dhoobtay qeybo ka mid ah magaalada Muqdisho islamarkaana xarumo cusub ay dgeen.
Caruus ayaa sheegay inay diyaar u yihiin inay iska difaacaan weerar kasta oo uga yimaada ciidamada dowladda KMG ah, isagoona sheegay inay ka war hayaan dhaqdhaqaaqyo ay wadaan ciidamo cusub oo ay leedahay dowladda KMG ah.
"Iska caabin aan horay loo arag ayaan sameyn doonaa, waxaan heysanaa ciidamo xoog leh oo iska difaaca kara weerar kasta oo ay soo qaadaan qolyaha dowladda sheegta" ayuu yiri Maxamed Cismaan Caruus.
Si kastaba ha ahaatee shacabka magaalada Muqdisho ayaa sugaya dagaal kalabax ah oo labada dhinac ku dhaxmara magaalada Muqdisho balse dhimasho kaliya laga dhaxli doono sidii horay u dhici jirtay.
Mudugnet.com Xafiiska Wararka Magaalada Muqdisho.
