Kooxo Hubaysan oo falal amaan xumo ka wado deegaano dhaca Galbeedka magaalada Muqdisho
MudugNet, Muqdisho, Khamiis, 4ta Feberaayo, 2010.
Maleeshiyo Hubaysan ayaa dhibaato dhanka amaanka ah ka wado deegaanada lagu Barakacay ee duleedyada magaalada Muqdisho xilli hadlkaasi uu ka jiro maamul hoos yimaad Ururka Xisbul Islaam oo kamid ah dhinacyada hubaysan.
Kooxaha falka geystay oo lasheegay inay ahaayeen kooxo burcad ah ayaa waxa ay toogasho ku dileen wiil dhalinyaro ah, iyagoona dhaawac u geystay wiil kale oo ay wada socdeen wiilka dhalinyarada ah oo ay dilka ub geysteen.
Goobjoogayaal ayaa sheegay in kooxaha burcadda ah ay taleefanka gacanta ka qaateen wiilka ay dileen, iyadoona dilkiisa uu ka damabeeyey kadib markii uu ka madax adeegay inuu dhiibka taleefanka gacanta ee uu watay.
Kooxaha dilka geystay ayaa markiiba goobta ka baxsaday, iyadoona meydka wiilka dhalinyarada ah goobta laga qaaday, waxaana isbitaal loo qaaday dhaawaca wiilka kale.
Mudugnet.com Xafiiska Wararka Magaalada Muqdisho
