Kooxo Islaamiyiin ah oo sheegay in ay Suuq Cusub u samaynayaan Ganacsatada Shidaalka Bakaaraha.
MudugNet, Muqdisho, Khamiis, 4ta Feberaayo, 2010.
Kooxaha kasoo horjeeda dowladad KMG Somalia ayaa ku kaliyoobay ka hadalka gubashadii dhawaan ka dhacday Suuqa Bakaaraha magaalada Muqdisho oo ay ku hanti Beeleen Boqolaal ganacsato Soomaaliyeed ah.
Guddoomiyaha ururka Xizbul Islaam ee gobolka Banaadir Macalin Xaashi Maxamed Faarax oo maanta shir jaraa'id ku qabtay magaalada Muqdisho ayaa sheegay in ururkooda uu wada tashiyo la leeyahay ganacsatada shidaalka iibisa si shidaalka looga raro suuqa weyn ee Bakaaraha.
Wuxuu sheegay inay doonayaan inay shidaalka ka dhex saaraan qeybaha kale ee ganacsiga taas oo uu sheegay inay yareyn karto khasaaraha kadhalanaya haddii uu dab ka kaco suuwa qeyn ee Bakaaraha.
"Waxaan wadnaa Fikir ah in la kala saaro shidaalka iyo qeybaha kale ee ganacsiga suuqa Bakaaraha si dhibaatadu u yaraato" ayuu yiri Macalin Xaashi Maxameds Faarax guddoomiyaha ururka Xizbul islaam ee gobolka Banaadir.
Kooxda Xisbul Islaam waxay Dabkii ka kacay suuqa Bakaaraha ku Eedeeysay in ay Mas'uul ka ahaayeen Ciidamada AMISOM ee ku sugan qaybo katirsan magaalada Muqdisho "kadib baaritaano aan samaynay waxaan ogaanay in AMISOM ay gubtay suuqa Bakaaraha"ayuu yiri Macalin Xaashi.
Mudugnet.com Xafiiska Wararka Magaalada Muqdisho
