Dowlada KMG ah " Maalin Gudeheed ayaan dalka ugala wareegi doonaan Kooxaha Hubaysan ee Argagaxisada ah".
MudugNet, Muqdisho, Khamiis, 4ta Feberaayo, 2010.
Dowladda KMG Somalia ayaa markii 10-aad ku celisay in ay dagaal ku qabsan doonto goballo iyo degmooyin ay gacanta ku ahyaan xoogaga Islaamiyiinta ah ee dowladda ka qabsaday gobolo muhiim ah oo dhaca Koonfurta dalka Somalia.
Wasiirka Beeraha dowladda KMG ah ee Somalia Maxamed Ibraahim Xaabsade oo la hadlay warbaahinta ayaa shaaca ka qaaday in dowladda KMG ah ay diyaarisay qorshe balaaran oo ay ku weerarayso gobolada konfureed oo xiligaan ay gacnata ku hayaan xoogagga hubaysan.
Maxamed Ibraahim Xaabsase ayaa sheegay in dowladda KMG ah ay diyaarisay ciidamadii weerari lahaa gobolada ay gacanta ku hayaan xoogagga dowladda kahorjeeda, waxaana uu carabka ku dhuftay magacyada gobolada ay dowladdu weerarayso.
"Dowladda KMG ah way diyaarsatay wax alaale wixii ay heli kartay dhawaana dagaal ayay ku qaadi doontaan kooxaha qaswadayaasha ah ee shacabka xoogga ku haysta"ayuu yiri Maxamed Ibraahim Xaabasade oo intaas ku daray in gacan ku heynta goboladaas ay la wareegi doonaan ciidamada dowladda KMG ah.
Dowladda KMG Somalia ayaa in Mudda ah dagaal dhanka afka ah ku qaadaysay xoogaga Mucaaradsan oo maamulo in kabadan 9 Gobal oo dhanka Koonfurta iyo baratamaha dalka Somalia.
Mudugnet.com Xafiiska Wararka Magaalada Muqdisho
