Daahir Maxamuud Geelle "Kooxaha nadiidan waxay haystaan Garoomo iyo Dekado ay dhaqaale xoog leh ka helaan".
MudugNet, Muqdisho, Khamiis, 4ta Feberaayo, 2010.
Wasiirka Warfaafinta Dowladda KMG Somalia ayaa shaaca ka qaaday in Kooxaha kasoo horjeedo dowlada Federaalka ay dhaqaale xoogan ka helaan Garoomo iyo Dekado kuyaal gobalada ay maamulaan.
Daahir Maxamuud Gelle oo lahadlay Wargayska AL-sharqul Owsat ayaa sheegay in Kooxo Jihaadiistayaal ah ay dhibaato ka wadaan caalamka islamarkaan ay taasi saamayn balaaran ku yeelatay Somalia.
"Kooxaha sheega in ay Jihaadayaan waxay dhibaato ka wadaan caalamka ,Erayga Jihaadka ayaa ladhihi karaa waa mid caalamka amaankiisa liddi ayuu ku yahay"ayuu yiri Daahir Maxamuud Geelle.
Sidoo kale Daahir Gelle wuxuu sheegay in kooxaha kasoo horjeedo ay haystaan dhaqaale xoogan oo ay ka qaadaan Garoono Macmal ah iyo Dekado taasina ay keenayso in ay sii kordhiyaan dagaalada ay kula jiraan dowlada KMG Somalia.
Hadalka kasoo yeeray Wasiirka ayaa kusoo aadaya xilli ay Islaamiyiinta maamulaan gobala badan halka ay dowladdu maamusho wax kayar 5 degmo oo katirsan Magaalada Muqdisho.
Mudugnet.com Xafiiska Wararka Magaalada Muqdisho
