Golaha Abwaaniinta oo Ganacsatada ugu baaqay in ay Sadaqo iyo Zako bixiyaan hadii kale dhibaato ku dhacayso Ganacsigooda.
MudugNet, Muqdisho, Arbaco, 3da Feberaayo, 2010.
Qaar katirsan Abwaaniinta Soomaaliyeed ayaa ugu baaqay ganacsatada Suuqa Bakaaraha in ay Ugurmadaan shacabka Soomaaliyeed ee ku dhibaataysan magaalada Muqdisho iyo hareeraheeda.
Abwaan Abshir Bacadle oo kamid ah Awaaniinta Muqdisho ugu weyn islamarkaana ah Ganacsade caan ka ah Suuqa Bakaaraha ayaa sheegay in Musiibooyinka ka dhacaya Suuqaasi Bakaaraha ay yihiin kuwa ka dhashay Khaladaad ay galeen Ganacsatada.
Abwaanka ayaa sheegay in Ganacsata badan oo ku ganacsada Suuqa Bakaraha aysan bixin Waajibka lagu leeyahay gara ahaan Zakada iyo Sadaqada "Gubashada Bakaaraha ee soo laalaabata waxaa sabab u ah Ganacsatada oo Sadaqadii yareeyay islamarkaana aan bixin Zakada, war iska bixiya Zakada hadii kale alle ayaa ciqaabtiisa na dareensiinaya"ayuu yiri Abshir Bacadle.
Fikir kaasi ka duwan waxaa qaba Sheekh Cabdi Fitaax Abuu Xamza oo sheegay in Dad badan oo Zaka bixiya waxna sadaqaysta ay ku ceyrtoobeen Dabka "Dad Badan ayaa ku ceyrtoobay Dabka waajibka lagu leeyahayna iska bixiya,waa Musiibada rabbi oo Imtixaan noogu filan" ayuu yiri Sheekh Cabdi Fitaax.
Mudugnet.com Xafiiska Wararka Magaalada Muqdisho
