Dad laga soo Tarxiilay Wadanka Kenya oo maanta soo gaaray magaalada Muqdisho iyo Cambaarayn loo jeediyay arrinkaas.
MudugNet, Muqdisho, Talaado, 2 da Feberaayo, 2010.
Dowladda wadanka Kenya ayaa markii ugu horaysay soo Tarxiishay Boqolaal Soomaali ah oo ay dhawaan Ciidankeeda Booliska ah ka raafeen magaalada Nairobi gaar ahaan xaafadda Islii oo ay Somalidu ku badan
tahay.
Dadkaan oo tiradooda ay gaaraysay 110-qof ayaa laga kala keenay dalalka Sacuudiga iyo Kenya, waxaana halkaas kaso qaaday diyaarad si qaas ah ay ugu soo kiraysay dowladda Sacuudiga.
Boqol ka mid ah dadka tarxiilka ah ee maanta soo gaaray magaalada Muqdisho ayaa laga keenay dalka Sacuudiga kadib markii ay halkaas ka qabqabteen ciidamada dalka Sacuudiga.
10-kale ayaa iyagana laga soo tarxiilay dalka Kenya kadib markii ciidamada dalka Kenya ay ku qabqabteen howlgallo ay dhawaan ka soo sameeyeen magaalada Nairobi ee xarunta dalka Kenya.
Haweenay ka mid ah dadka Soomaalida laga soo tarxiilay magaalada Nairobi ayaa sheegtay inay muddo 20-maalmood ah ku jireen xabsi ku yaala magaalada Nairobi, waxaana ay sheegtay in ciidamada dalka Kenya ay si xun ula dhaqmeen.
Waa Markii ugu horaysay oo ay Kenya Dadka ay kusoo qabatay Howlgallo ay Tarxiil diyaaradeed ku keento magaalada Muqdisho dalka Somalia.
Mudugnet.com Xafiiska Wararka Magaalada Muqdisho
