Sheekh Xasan Daahir Aweys oo Isagoo Dareeska Ciidanka ku Labisan Eedayn u Jeediyay Al Shabaab iyo Dowladda KMG Somalia
MudugNet, Muqdisho, Talaado, 2 da Feberaayo, 2010.
Hogaamiyaha Ururka Xisbul Islaam Sheekh Xasan Daahir Aweys ayaa si kulul u Cambaareeyay War shalay kasoo yeeray Saraakiil katirsan Al Shabaab iyo Kaamooniyiinta oo sheegayay in labadaasi Urur Midoobeen.
Xasan Daahir Aweys wuxuu qiray in Sheekh Xasan Turki ku biiray Al Shabaab balse aan ladhihi karin Kaambooniyinta ayaa shabaab ku biiray, Aweys oo labisan Darees Ciidan ayaa ka dhaxmuuqday saxaafadda wuxuuna eedayn u jeediyay shabaab iyo dhinacyo kale.
W a r s a x a a f a d e e d
(B) Cambaareyn:
1. Xizbiga Islaamiga waxa uu Cambaareynayaa Qorshaha uu ku soo bandhigay wakiilka Spain ee ku aadan in ay Ciidamo ka socda Qaramada Midoobi loo soo diro Dalka Soomaaliya, taasi oo aan u arkeyno in lagu sii kordhiga dhibaatada haatan ka taagan dalka soomaaliya.
2. Xizbiga Islaamiga waxa uu cadeynayaa in shirka ka dhacay Adis ababa A.U iyo IGAD uu yahay Shirqool ay wadato Ethiopia laguna marin habaabinayo Beesha Caalamka looguna adeegayo Cadowga gumaadka ku haya Shacabka soomaaliyeed.
3. waxaan aad iyo aad uga xunnahay isla markaana Cambaareynaynaa hadalkii dhawaan ka soo yeeray Dowladda Mareykanka ee ku aadanaa in ay ka taageereyso Ciidamada Amisom iyo kooxda shariif dhinaca saanadda Millatari ka dib markii ay ku baaqday Hay’adda Amnest International in laga joojiyo hubka lagu daabulayo soomaaliya kaasoo lagu xasuuqayo shacabka Soomaaliyeed.
4. kooxda shariif oo taageera ka haysta Ciidamada Cadowga ee Amisom ay qorshaynayaa falal iyo weeraro lagu burburinayo Ku dhaqanka Shareecada Islaamka, dhibaataynta Umadda Muslimka ah, Gumeysiga Dalka, ayna cadeeyeen in la gaaray sanadkii 2aad ee xasuuqa Shacabka, kuna xigtay duqeynta ugu dambeysay ee ka dhacday Muqdisho Taariikhdii: 31/01/2010M.
(T) Caddeyn:
5. waxaan cadaynaynaa in Bayaankii shalay ka soo baxay shirkii Baydhabo ee lagu sheegay in ay ku midoobeen Xarakada Al shabaab iyo Raaskambooni:
• in uu ahaa XIZBIGA ISLAAMIGA mid u ololeeya raadiyana Midnimada Muslimiinta si guud iyo si gaar ahba.
• in adraaftii soo dhistay Xizbiga Islaamiga ay ku heshiiyeen in ay san jirin wixii ka dambeeyay 02/02/2009M wax daraf ama guruub ah, lagana wada tagay Magacyadii iyo Maamulkii gaarka ahaa (Kambnooni, Maxaakim, Jabiso, Caanoole) Ilaahay iyo Umada horteeda (shirweynihii Badhaadhe).
• In uu khilaafsanaa qaabka uu u dhacay nidaamka Xizbiga ee ku biirista ama la midoobidda Urur kale.
• in ay san jirin cid kale oo ku waafaqsan ku biiridaasi ee ka tirsanaan jiray Mucaskarkii Kamnooni oo ku milmay Xizbiga Islaamiga, inta ku xusan bayaanka heshiiska Baydhabo mooyee.
• In laga saaray xubnihii ka tirsanaa Xizbiga Islaamiga afraadda ku biirtay Xarakada Alshabaab magacyadooduna ku xusnaayeen Bayaankii Baydhabo.
• In uusan sax ku ahayn walaalnimadii Xarakada Alshabaab iyo Xizbiga dhex taalay, taasoo reebaysa Tashkiil iyo kala furfurid midkood midka kale.
(J) Baaq:
6. Waxaa aad iyo aad uga xunnahay dhibaatada lagu hayo Umadda Soomaaliyeed iyo duqeyntaan joogtada ah, waxaana tacsi tiiraanyo leh u direynaa Qoysaskii ku waxyooloobay falalka cadowga sameynayo, waxaana ugu baaqeynaa Umadda Somaaliyeed guud ahaan:
• in ay u midoobaan Cadowgooda ee gumaadka iyo duqeynta joogtada ah ku haya.
• in ay ku bixiyaan jihaadka socda naf iyo maal si ay u badbaadsadaan Diintooda Naftooda, iyo Maalkooda.
• in aysan ku kadsoomin hadallada uu ku beer laxawsanayo Cadowga gumaadaya, oo ay u tashadaan sidii ay isugu gargaari lahaayeen.
• in ay talo iyo tusaalo ka soo bixiyaan xal u helidda dhibaadada uu cadowgu ku hayo diinta, dadka, iyo dalka.
(X) ugu dambeyn:
7. waxaan Allah weydiisanaynaa in uu u gargaaro muslimiinta meel kasta oo ay joogaaan Iyo in uu naga qabto waxa ay maleegayaa cadowgeena, uuna naga guul siiyo
وصلى ﷲ وسلم على نبينا محمد وعلى آله وصحبه
Gudoomiyaha xizbiga Islaamiga
Sh. Xasan Daahir Aweysaa Aweysow Amaa Adigu tahay cadawga Islaamka, Is xisaabi intaan lagu xisaabin!
