Muqdisho, Talaado, 24ka August, 2010.
Warbixin ku saabsan Qasaaraha ka dhashay dagaalada ka socda Magaalada Muqdisho maalintii labaad.
Qasaaraha ka dhashay dagaalada iyo madaafiicda maalintii labaad ka socota magaalada Muqdisho ayaa sii korortay iyadoo tirada dhimashada dadka rayidka ah ay gaartay in ka badan 50 qof halka dhaawaca lagu qiyaasay 150 qof 24saac ee la soo dhaafay.
Goobaha caafimaadka magaalada Muqdisho ayaa buux dhaafiyay dadka ku soo dhaawacmay dagaalada aadka u culsu ee maalintii labaad ka socda caasimadda.
Saraakiisha caafimaadka Isbitaalka Madiina ayaa sheegay in Isbitaalka la soo gaarsiiyay tiro ka badan 100 qof oo dhaawac ah sacadihii la dhaafay,waxaana jira dad isbitaalka ugu geeriyooday dhaawacyadii soo gaaray.
Dagaalada ayaa xoogooda maanta waxa ay ka dhaceen Degmooyinka Hodon iyo Howlwadaag ka dib markii waabarigii saakay weerar ku soo qaadeen fariisimada Ciidamada Dowlada iyo kuwa Ahlu-sunah Xoogaga Mucaaradka.
Sidoo kale goobaha dagaalada ka dhaceen maanta waxaa ka mid ah Degmooyinka Waqooyi ee Boondheere iyo Shibis, waxaana goobaha raidka ku dhacay madaafiida labada dhinaca isku adeegsadeen.
Dagaalada ayaa hakad galiyay dhamaan ganacsigii suuqa ugu weyn ee bakaaraha,iyadoo suuqa ay ku dhaceen madaafiic aad u tiro badan sida ay dad ku go'doomay suuqa oo ka soo bixi wayay madaafiicda dhacaysa awgeed.
Ururka Xisbul Islaam oo qeyb ka ah Dhinacyadda ku dagaalamaya Muqdisho ayaa guulo ka sheegtay Dagaalada maanta dhacay.
Afhayeen u hadlay Xibul -Islaam oo lagu magacaabo Maxamed Cismaan Caruus ayaa sheegay in dagaalkii maanta ay ku dileen tiro ka tirsan Askarta AMISOM iyo kuwa ka tirsan Dowladda KMG Dagaalo ka dhacay Degmooyinka H/wadaag iyo Hodon, isla markaana ay ku gubeen baabuur Tikniko ah oo ay lahaayeen Ciidamada Dowladda.
Sidoo kale Afhayeenka AMISOM Barajiye Bahuku oo ka hadlay dagaalka maanta ayaa sheegay in Colaada ka jirta magaalada muqdisho ay Huriyeen Dhalinyaro labadii cisho ee ugu dambaysay laga Keenay Goboladda Bay iyo Bakol,isla markaana dagaaladan ay yihiin rabshado yar oo aan saamayn badan ku yeelanin Ciidamada AMISOM.
Dhinaca Dowladda KMG Afhayeenka wasaaradda Warfaafinta ayaa gabi ahaanba Beeninyay sheegashada Guulaha Xoogaga ka soo horjeeda Dowladda KMG waxa uuna Afhayeenku sheegay in Ciidamada Dowladda iska caabiyeen Dhamaanba Weeraradii kaga yimid dhinaca Xoogaga Mucaaradka.
Sheikh Sharif Cambaareeyay Weerarka lagu dilay Xildhibaanadda baarlamanka.
Madaxweynaha Dowladda KMG Sharif Sheikh Axmed ayaa cambaareeyay qaraxyadii Ismiidaaminta ahaa ee lagu Dilay xubno ka tirsan Xildhibaanadda baarlamanka Soomaaliya ee ka dhacay Hotel MUNA oo ku yaala Degmada X/weyne ee Gobolka banaadir.
Sheikh Sharif ayaa weerarkaasi ku tilmaamay Fal Waxashnimo ah oo lagula kacay Umad Muslim ah oo aan wax galabsan oo guryahooda ku jiray xiligii qaraxa lala Hotelkaasi.
Madaxweyne Sharif ayaa Tacsi u diray dhamaan Eheladii ay ka geeriyoodeen Xildhibaanadii lagu qarxiyay weerarka ka dhacay Hotel MUNA,isagoo tilmaamay in weerarkaasi uu yahay mid gabi ahaanba albaabada u xiraaya wadahadalo Xoogaga Mucaaradka.
Sharif Sheikh Axmed ayaa ugu baaqay Ciidamada Dowladda iney galaan Heegan si ay uga hortagaan kuwa Dulaanka ku ah qaran-nimadda Soomaaliya sida uu hadalka U dhigay.
Hadalka Madaxweyne Shariif ayaa yimid saacado ka dib markii qaraxyo Ismiidaamin ah loo agu laayay xubno ka tirsan Golaha Baarlamanka Soomaaliya.
Agaasimihii Idaacadda XURMO oo ku geeriyooday Magaalada Muqdisho.
Barqad Cawaalle Aaden oo ahaa Agaasimihii Idaacadda Xurmo oo ka mid ah idaacadaha ka howlgala Magaalada Muqdisho ayaa ku geeriyooday Isbitaalka Madiina ka dib markii uu dhaawac ka soo gaaray dagaladii saakay ka socday magaalada Muqdisho.
Marxuumka ayaa xabad Habow ah (Wiifto) kaga dhacday Caloosha xili uu saarnaa dabaqa Sare ee Idaacada oo uu ka waday Howlo lagu dayactiyaayay Anteenadda Idaacadda.
Barqad Cawaalle Aden ayaa saxaafadda Soomaaliya ku soo dhex jiray mudo ka badan 30sano, isagoo ka soo shaqeeyay Idaacadii iyo Taleefishinkii Qaranka soomaaliya.
Inaa lilaah wa inaa ilayhi raajicuun.
Tacsi.
Dhamaan suxufiyiinta ka howlgasha xafiiska wararka MUDUGNET Muqdisho iyagoo ka tiiraayaysan waxa ay tacsi u dirayaan Ehelada iyo Asxaabtii uu ka geeriyooday Allaha u Naxariisteen Marxuum Barqad Cawaalle Aaden, Janadii fardowsa Allaha ka waraabiyo Amiin.
Mudugnet-News
Xarakadda Alshebab oo sheegtay Mas'uuliyadda Qaraxyadii ka dhacay Hotel MUNA.
Xarakadda Alshebab ayaa sheegtay Mas'uuliyadda qaraxyadii ismiidaaminta ahaa ee lagu laayay Hotel MUNA oo ku yaala Degmada X/weyne ee Gobolka Banaadir.
Afhayeeka Xarakadda Alshebab Cali Dheere oo shir Jaraa'id ku qabtay magaalada Muqdisho ayaa sheegay in weerarkaasi lagu dilay inta u dhaxaysay 60 ilaa iyo 70 qof oo isugu jira Xildhibaano, Wasiiro, saraakiil iyo Jawaasiis u shaqeeya Reer Galbeedka sida uu hadalka u dhigay, in kastoo warar madax banaan ay xaqiijiyeen in dadka dhintay ay ku jiraan dadka Rayid ah iyo ganacsato Hotelka deganeeyd.
Cali dheere ayaa sheegay in Xarakadda Alshebab ay sii wadi doonto weerarada ka dhan ah Xubnaha Dowladda KMG.
Xildhibaano ka tirsan Dowladda KMG oo ku geeriyooday Qaraxyo Ismiidaamin ah oo ka dhacay Muqdisho.
in ka badan 30 qof oo 6 ka mid ah yihiin Xildhibaano ka tirsan baarlamanka KMG soomaaliya ayaa ku geeriyooday qaraxyo ismiidaamin oo baraqadii saakay lala beegsaday Hotel lagu magacaabo MUNA oo ku yaala Degmada X/wayne ee magaalada Muqdisho.
Weerarkaasi ayaa waxaa sidoo kale ku dhaawacmay in ka badan 20 qof oo isugu jira Xildhibaano ka tirsan Dowladda iyo dad kale oo rayid ah.
Goob joogayaal ayaa sheegay in 2 nin oo ku hubaysan Qoryaha darandooriga ah u dhaca ay Xoog ku galeen Dhismaha Hotelka ka dibna rasaas ku fureen Qololka Hotelka uu ka kooban yahay markii rasaastii ka dhamaatayna ay is qarxiyeen.
Ragii Fuliyay weerarkaasi ayaa la sheegay iney ku labisnaayeen dareeska lagu yaaqaano Ciidamada Dowladda KMG markii ay galayeen Dhismaha Hotelka.
Dadka ku dhaawacmay weerarka ka dhacay Hotel MUNA ayaa la dhigay Isbitaalka Madiina ,iyadoo dadka dhaawaca ah qaarkood la sheegay iney xaaladooda aad u liidato.
Kulan looga hadlaayo Road Map-ka dowladda KMG oo lagu wado inuu ka furmo magaalada Nairobi ee dalka Kenya.
Wafdi ka tirsan labadda Gole ee dowladda oo Hogaminaayo Gudoomiyaha baarlamanka Sharif Xasan sheikh ayaa shalay galinkii dambe gaaray Magaalada Nairobi ee dalka Kenya,halkaasoo ay uga qeybgali doonaan kulan looha hadli doono Road Mapk-kii ay ku shaqeyn lahayd dowladda KMG inta ka dhiman waqtiga Jiritaankeeda iyo isbedelka kala Guurka KMG loona Gudbo Dowlad dhex.
Wasiirul dowladaha xafiiska ra'iisuwlasaaraha Khaalid Cumar oo warbaahinta uga warmay kulanka ka dhici doona Nairobi ayaa sheegay in Xubanaha ka socda labada Golle ee Dowladda kulakna ay ku wehlin doonaan xubno ka socda Beesha caalamka.
Khaalid Cumar ayaa sidoo kale sheegay in la dhameestiray Howshii dastuuka Cusub ee Dowladda KMG iyadoo Xubno ka socda Gudiga dastuurka ay Safaro ku kala bixin doonaan goboladda dalka soomaaliya iyo kuwa ay ka jiraan maamuladda Sida G/mudug State iyo Puntland.
Xarakadda Alshebab oo la wareegtay maamulka Idaacadda IQK ee magaalada Muqdisho.
Xarakadda Alshebab ayaa la wareegtay maamulka Idaacadda Qur'aanka Kariimka IQK xarunteeda magaalada Muqdisho sida uu sheegay Agaasimihii Idaacadaasi Maxamed C/wahaab oo war saxaafdeed ku saabsan la wareegida maamulka Idaacadda xarakadda ASlshebab ka aqriyay Idaacadda IQK.
Maxamed Cabdiwahaab ayaa war saxaafadeedkiisa ku sheegay in laga Bilaabo taariikhda 23/08/2010 Xarakadda Alshebab la wareegeen maamulka IQK, isla markaana Mas'uuliyadda iyo maamulka wax laga weydiin doonooo kaliya xarakadda Alshebab oo la wareegay xilika maamulka IQK.
Shaqaalaha idaacadda ayaa warsaxaafeedka lagu sheegay iney Xorr u yihiin sii wadida shaqada idaacadda IQK iyo in ay isaga tagi karaan.
Warsaaxafadeedka Maamulkii hore ee idaacada laguma xusin sababta Xarakadda Alshebab ula wareegeen maamulka Idaacadda iyo iney jirtay khilaaf hore oo u dhaxeeyay Idaacadda iyo Xarakadda Alshebab.
ilaa iyo hada wax war ah kama soo bixin dhinaca Xarakadda Alshebab oo ku saabsan la wareegiadda idaacadda IQK ee magaalada Muqdisho.
Wasiirka warfaafinta Dowladda KMG Ing C/rahmaan Yariisow ayaa cambaareyay la wareegida Xarakadda Alshebab Idaacadda IQK,isagoo ugu baaqay alshebab iney dib idaacada ugu eliyaan mamulkii hore.
Dagaalo aad u culus oo maalintii labaad ka socda caasimadda Soomaaliya ee Muqdisho.
Dagaalo aad u qaraar oo u dhaxeeya Ciidamada Dowladda,Ahlu-suah iyo Ciidamada AMISOM oo isku dhinac ah iyo Xoogaga mucaaradka ayaa maalintii labaad ka socda degmooyinka ka tirsan Gobolka Banaadir,iyadoo dagaalada ay sababeen qasaare isugu jira dhimasho iyo dhaawac.
Dagaalka ayaa waabarigii saakay ka bilowday Degmooyinka Hodon iyo H/wadaag,ka dib markii Xoogaga Hubaysan ay weerar ku soo qaadeen fariisimadda Ciidamada Dowladda iyo Kuwa Ahlu-Sunah ay ku leeyihiin H/wadaag iyo Hodon.
Dagaalka ayaa saamayn ku yeeshay ganasiga Suuqa bakaaraha iyo isku socdka gaadiidka dadka iyo shacabka,waxaana Suuqa bakaaraha ku dhacaya Madaafiic aad u fara badan,iyadoo qasaaraha ka dhashay madaafiic an si rasmi ah loo ogayn.
Sidoo kale waxaa dagaalo saakay dib uga qarxeen degmooyinka Boondheere iyo Shipis,halkaasoo ay isku farasareen Xoogaga Mucaradka iyo Kuwa Dowladda oo ay wehliyaan Ciidamada AMISOM.
Daryanka Madaafiicda iyo Hubkakale ayaa laga maqlayaa degmooyinka dagaalada ay ka socdaan,iyadoo waxyeelada ugu badan ay soo gaartay dadka shacabka,waxaana dadkii deganaa Goobaha lagu dagaalamayaao saakay bilaabeen iney isaga qaraaxn guryahooda.
Dagaalka maalintii labaad ka socda magaalada Muqdisho ayaa yimid ka dib markii Xarakadda Alshebab shalay galintii dambe ay Iclaamiyeen dagaal ka dhan Dowladda KMG iyo Ciidamada AMISOM.
AMISOM, Dowladda KMG iyo Ururka Ahlu-sunah oo ka hadlay Dagaalalada ka qarxay magaalada Muqdisho.
Wasiirka warfaafinta Dowladda KMG Ing C/rahmaan Yariisow ayaa wax laga Xumaado ku tilmaamay Dagaal ay ku baaqeen Xarakadda Alshebab,xili shacabka ay ku jiran Gudashadda waajibaadka Bisha Ramadaan.
Ing Yariisow ayaa ku tilmaamay dagaalada Muqdisho ka qarxay kuwa Nasiib daro ah in xiligan umadda loo iclaamiyo dagaal Hor leh, waxa uu intaasi raaciyay in Mas'uuliyadda qasaaraha ka dhashay Colaadani ay qaadi doonaan Kuwa Iclaamiyay dagaalka.
Wasiirka warfaafinta Dowladda KMG ayaa sheegay in Dowladda KMG ay iska difaaci doonto Weerar kasta oo kaga yimaada Xoogaga Mucaaradka.
Sidoo kale Afhayeenka Ciidamada AMISOM Barajiyo Bahuku ayaa ku tilmaamay dagaalka xarakada Alshebab Iclaamisay mid aan waxba kaga Duwaneyn Dagaaladii ay ka wadeen Muqdisho,isla markaana Muqdisho iyo soomaaliya oo dhan aan wax nabad ah jirin.
Sidoo kale Afhayeenka Gobolka Banaadir ee ururka Ahlu-sunah Sheikh Maxamuud Axmed Shuuriye oo la hadlaayay Waraabhinta ayaa sheegay in Weerarkii Mucaaradka ku soo qaadeen Fariisimadda Ciidamada Ururkiisa ee Degmooyinka Hodon iyo H/wadaag ay iska cabiyeen isla markaanay ay u geeysteen qasaare badan.
Dagaalada ka qarxay Magaalada Muqdisho ayaa sababay dhimasho iyo dhaawac aad u fara badan oo soo garay dad rayid ah.
