Wararkii Sabti, 21ka August, 2010.Last updated @ 12:00 pm Eastern Standard Time
Booliska Dowladda KMG oo saxaafadda u soo bandhigay Meydka Wiil dhalinyaro ah oo ku Geeriyooday Qarax Miino oo xalay ka dhacay Degmada Waaberi ee Magaalada Muqdisho.
Ciidamada Booliska Dowladda KMG ayaa saxaafadda magaalada Muqdisho saakay u soo bandhigay Meydka Wiil dhalinyaro ah oo ay ku sheegeen inuu ahaa qofkii miinadda dhulka galinaayay kadibna ay isaga ku qaraxday.
Afhayeenka Booliska C/laahi Xasan Bariise oo saxaafadda Kula hadlayay Goobta qaraxa ka dhacay ayaa sheegay in qaraxan uu dhacay xalay Abaare 9:00pm fiidnimo ee Xigan Muqdisho,iyadoo qaraxan gilgilay Dhamaan Degmada Waaberi.
Bariise ayaa sheegay in qarax Miinada ku geeriyooday hal qof oo kaliy,kaasoo ah qofkii ku Howlanaa aasida Miinadaasi balse isaga oo kaliya ay ku qaraxday.
Meydka qofkan lagu sheegay inuu ahaa maskaxdii ka dambaysay qaraxa Miinada oo yiilay meel aan sidaasi uga fogayn halka Miinada ku qaraxday waxaa jirkiisa ka muuqday googo' oo miinada sababtay.
Ma ahan markii ugu horaysay oo magaalada Muqdisho lagu arko Meydka dad ku geeriyooday Qarax miino oo ay ku howlanaayeen aasideeda ,waxaana Masiibadii ugu xumeyd ka dhacday horaantii sanadka wadada labaad ee bakaaraha gaar ahaan Nawaaxiga Hotel Shaam.
Mudugnet-news
Xarakadda Alshebab oo sheegtay in hay'adda WFP dalka ay keentay Cunto Dhacday oo waqtigeedu dhaamaday iyo hay'ada WFP oo Beenisay Arintaasi.
Xarakada Alshebab ayaa maalintii shalay Meel fagaare ah ku gubay Raashiin ay ku sheegeen iney ka soo qabteen qeybo kala duwan oo ka titsan Gobolka banaadir kaasooo hay'ada WFP doonaysay inay u qeybiso dadka.
Raashiinka la gubay oo ahayd Galay ayaa Alshebab ku tilmameen galayda mid dhacday oo hay'adda WFP ay ku doonayso iney ku dhibaatayso shacabka soomaliyeed.
Gudoomiyaha Gobolka Banaadir ee Xarakadda Alshebab Sheikh Dheere oo saaxafadda kula hadlayay Goobta raashiinka lagu gubay ayaa sheegay in hay'ada WFP soomaaliya dalka Keento raashiin dhacay oo ay ka soo iibiso wadamada Reer galbeedka,isla markaana ay ku doonayso iney kula dirirto dadka Muslimiinta ah sida uu hadalka u dhigay.
Waxa uu ku Edeeyay Sheikh Cali Dheere WFP iney diiday in raashiinka mucaawinada laga iibiyo Beeraleyda soomaaliyeed ka dibna la siiyo dadka u baahan si looga fogaado in rashiin dhacay amaaan tayadiisu wanaagsanayn dadka loo siiyo.
Dhinaca kale Afhayeen u hadlay hay'adda WFP ayaa si kulul u beeniyay warka ka soo baxay Xarakada Alshebab oo sheegaaya in WFP dadka ay siiso raashiin dhacay,waxa uuna cambareeyay Afhayeenka WFP galaydii Alshebab ay shalay ku gubeen xaafadda Waxracade ee magaalada Muqdisho.
Afhayeenka oo la hadlayay Wakaalada Wararka ee AP ayaa waxba kama jiraan ku tilmaamay hadalka ka soo baxay Xarakadda Alshebab oo ku edeeyay iney is hortaag ku heyso gargaarka la gaarsinaayo dadka ku dhibaatsayn Gudaha dalka Soomaaliya.
Xarakada Alshebab ayaa horey uga mamnuucday WFP in ay ka howlgasho goobaha ay maamulaan in kastoo WFP ay ka howlgasho deganadda ay ka taliso Dowladda KMG iyo Ururka Ahlu-sunah.
Mudugnet-News
Wasiiro ka socda dowladda KMG iyo Ururka Ahlu-Sunah oo heshiis ku kala saxiixday magaalada Adis-Ababa ee Xarunta Ethiopia.
ka dib wada hadalo maalmihii la soo dhaafay Magaalada Adis-Ababa ee Xarunta Ethiopia uga socda Xubno ka kala socday Dowladda KMG iyo Ururka Ahlu-Sunah ayaa ku heshiiyay in la dhaqan galiyo Heshiiskii labada dhinac horay ugu gaareen Magaalada Adis-Ababa.
Wasiirka gaashaandhiga dowladda KMG Abuukar Cabdi Cismaan Mardaadi oo ka mid ahaa Xubnhihii Dowladda uga qeybgalay shirka Adis-Ababa oo saxafadda uga warbixiyay Kulanka Adis-Ababa ayaa sheegay in labada dhinac ay ugu wada hadleen sidii loo hergelin lahaa heshiiskii dowladda iyo ururka Ahlu Sunna ay wada gaareen iyo sidii loo mideeyn lahaa tababarada ciidamada labada dhinac.
Qodobadda Dhabta ah ee looga hadlay shirkan oo wali dad badan mugdi kaga jiro marka laga soo tago wararka ay warbaahinta siiyeen mas'uuliyiinta Dowladda waxaa shrika si weyn uga dhax muuqday Urur Goboleedka IGAD oo Dowladda Ethiopia ka madax taasoo ay shaki badan ku abuuri karta dadka soomaaliyeed,iyadoo Ethiopia horay uga fashilantay Duulaankii ay ku qaday dalka soomaaliya.
Xubnaha shirkan Dowladda U matalayay waxaa kaloo ka mid ah wasiirka Amniga Dowladda Axmed C/salaam oo loo arko Wasiir ay keensatay Dowladda Ethiopia, in kastoo Dowladda uu ka soo galay Dhinaca Ururka Ahlu-sunah.
Waxaa kaloo shirka ka qeybgalay Qaramada midoobay wakiilkeeda qarimaha Soomaliya iyo saraakiil ka socotay Midowga Afrika kuwaasoo u balan qaaday Ahlu-Sunah iyo Dowladda iney ka tageeri doonaan Arimaha Dhaqaalaha iyo Milatariga.
Mudugnet-News
Xarakadda Alshebab oo Cafis u fidiyay Nin ka tirsanaa Ciidamada Dowladda KMG oo ku xirnaa xabsiga magaalada Marka.
Maamulka Xarakadda Alshebab ee Gobolka Shabeelaha Hoose ayaa maanta Cafis u fidiyay Nin ku ay sheegeen inuu ka tirsanaa Ciidamada Dowladda KMG oo dhawaan ay qabteen Ciidamada xarakadda maamulka Gobolka shabeelaha Hoose.
Nin lCafiska loo fidiyay oo lagu magacaabo C/jabaar Kaamuldiin ayaa saaxafadda u sheegay in uu ka tirsanaa Jiray Ciidamada Xibul-islaam ka hor inta uusan ka mid noqon Ciidamada Dowladda, balse hada isagoo ka faa'ideysanaya Cafiska uu helay ayaa ugu baaqay saaxiibadiisa kale ee ka tirsan Dowladda inay ka soo tagaan Ciidamada Dowladda oo ay ku soo biraan Xoogagaga Islaamiyiinta ee dagaalka kula jirta Dowladda Iyo Ciidamada AMISOM.
C/jabaar ayaa ku xirnaa xabsiga magaalada Marka ee xarunta Gobolka tan iyo markii ay gacanta ku soo dhigeen Ciidamada xarakadda alshebab ee maamulka Gobolka Shabeelaha Hoose.
Rag ka tirsanaa Ciidamada Dowladda ayaa horey ugu biiray Xoogaga islaamiyiinta ee ka soo horjeeda Dowlada,iyadoo dhinaca Dowladda ay had iyo jeer ay beeniso wararkaasi.
Mudugnet-News
Tahriibayaal Soomaali ah oo ku xiran xabsiyadda Wadanka Zambia
Tahriibayaal soomaali ah oo tiradoodu lagu sheegay in ka badan 30 qof oo isugu jira Caruur,Haween iyo Dhalinyaro ayaa ku xiran xabsiyo ku yaala Magaalada Luzaka ee Wadanka Zambia,dadkaas oo xigilii la qabanaayay ku sii jeeday Wadanka K/Afrika.
Ciidamada ilaalada Xuduuda Zambia ayaa dadkan ka qabqabtay Xuduuda xili ay doonayeen iney u talabaan dhinaca K/Afrika si ay Nolol iyo nabad uga raadsadaan K/afrika oo soomaali badan ay ku nooshahay.
Dadkan ku xiran xabsiyadda dallka Zambia ayaa tahriibkooda ka bilaabay dalka Kenya halkaasoo ay ka kaxeeyeen rag Muqalasiin ah oo ka qaatay lacago aad u fara badan waxaana xiliyada qaar tahriibayaasha la kulmaan Dhac iyo Kufsi ay kula kacaan Ciidamada ilaalada Xuduudaha.
Waxaa sidoo kale tahriibayaal badan ay ku xiran yihiin wadamadda Tanzania iyo Muzambik,iyadoo aysan jirin Cid xuquuqdoda kala Hadlaysa dowladaha ay u xiran yihiin.
Mudugnet-News
Dowladda KMG oo sheegtay in Qarax ay ku geeriyoodeen Xubno ka tirsan xarakadda Alshebab oo xalay ka dhacay Guri ku yaala Xaafadda Shiirkolo.
Wasiirka Warfaafinta dowladda KMG Ing C/raxmaan Yariiso ayaa sheegay in Qarax ay ku geeriyoodeen Xubno ska tirsan xarakadda Alshebab uu xalay ka dhacay Guri ku xaafadda Shiirkolle ee degmada Wardhiigle gaar ahaan Nawaaxiga Masaajidka Nasruldiin.
Ing Yariisow ayaa qaraxaasi ku sheegay inuu ahaa mid ka dhashay Walxaha qarxa oo saarnaa baabuur la doonayay in lagu weeraro goobo ku yaala muqdisho.
Wasiirka ayaa Cambaareeyay qaxaasi isagoo ku tilmaamay wax aysan dhaqan iyo diin u lahayn umadda soomaaliyeed balse uu yahay mid ay dalka soo galiyeen dadka Ajaaniib ah oo marin habaabiyay dhalinyaro soomaaliyeed sida uu hadlka u dhigay.
Waxa uu ugu baaqay Ing Yariisow Dhalinyadda Soomaaliyeed iney ka fogaadaan Ficiladda Foosha Xun ee lagu dhibaataynaayo Umadda Soomaaliyeed Xili ay ku jiraan Gudashadda Waajibaadka Soonka.
Hadlaka Wasiirka Warfaafinta dowladda ayaa ka dambeeyay markii qarax la sheegay inuu ka dhacay Guri lagu diyaarinyay qarax Ismiidaamin uu ku Qarxay ragii ku howlanaa,iyadoo ay warar kala duwan ay ka soo baxayaan qasaaraha qaraxaasi ka dhashay.
Mudugnet-News
