Al Shabaab oo sheegay in ay weerarayaan Kenya iyo Itoobiya
(Waa u yeerasho Cadawga Soomaaliya oo dalka Qabsada kadib markii shabaab aragtay in Quwadaha Cadawga u ah Soomaaliya ay dhaheen Ciidamo u soo diri meyno Soomaalia)
MudugNet, Muqdisho. Talaado, June 30, 2009.
Kooxaha Islaamiyiinta ayaa u dhaartay dowlada Kenya iyo Ethopia oo dhawaan sheegay in ay fara gelin ku samaynayaan gudaha dalka Somalia o
o ay dagaallo ka socdaan.
Xoogaga Mucaaradsan dowlada ayaa wado abaabulo dagaal oo ay isaga difaacayaan quwad walba oo diidan siyaasadooda adayga ku dhisan.
Guddoomiye ku xigeenka maamulka Islaamiga ah ee magaalada Kismaayo C/qani Maxamed Yuusuf ayaa sheegay in la gaaray xiligii ay mujaahidiintu weeraro ka fulin lahaayeen gudaha dalalkaas, isagoona sheegay in cadowgii ay jabeen ayna tahay inay talaabadaas qaadaan.
Wuxuu ugu baaqay shacabka Soomaaliyeed inay u istaagaan sidii ay weeraro ugu qaadi lahaayeen dalalka Ethiopia iyo Kenya, isagoona ku baraarujiyey inay arrintaas ku tahay waajib.
"Wixii maanta ka dambeeya waxaa waajib nagu ah inaan ku duulno cadowga Ethiopia iyo Kenya oo aan godadkooda ugu tagno oo guryihii iyo meelihii ay nooga soo duuleen aan ugu tagno" ayuu yiri Guddoomiye ku xigeenka maamulka Islaamiga ah ee magaalada Kismaayo C/qani Maxamed Yuusuf.
Wuxuu sii raaciyey hadalkiisa inay diyaariyeen mujaahidiin fulinaya weerarada lagu qaadayo dalalka Ethiopia iyo Kenya isla markaana ay garab uga baahan yihiin shacabka Soomaaliyeed.
Mudugnet.com Xafiiska Wararka Magaalada MuqdishoFaallo : Abidkeey ma arkin nin raba inuu wax dilo ama wax laayo oo dadkii uu layn lahaa u sii digaaya, Qolyahan magaca Islaamka bi'inaaya oo aan aaminsanahay in ay gacan saar la leeyihiin Qolyo cadawtooyo u qaba magaca Islaamaka waxaa banaa in lala jihado oo shacabku kacdoon ku sameeyaan , Car Ilaheey ha ku dhacdee waaba ku hacdee!.
Waxay u aheyd iney gudaha Itoobiya ka bilaabaan Jihaadka ay sheegayaan Jahanama lageeyga Shabaab, ujadeeda runta ah waxay tahay dalkaan inaan nabad ka dhalan oo shacabka Koofurta Soomaaliya la cirib tiro, Ilaah baase u maqan Sir maqabe Soomaali!
Abtidoon Baahalow
