Waqooyiga Magaalada Muqdisho oo kacsan iyo dagaallo weli halkaasi ka socdo

 

MudugNet, Muqdisho. Sabti, June 27, 2009.
 

Xaalada Waqooyiga Magaalada Muqdisho ayaa weli kacsan waxaana lamaqlayaa Rasaas culus oo ay is dhaafsanayaan Xoogaga Islaamiga ah iyo Maleeshiyaadka Dowladda Federaalka Somalia oo inta badan gacan ku haynta Waqooyiga Muqdisho lagala wareegay.
Iska horimaadka oo labada dhinac ay isku adeegsadeen hubka nuucyadiisa kala duwan ayaa yimid kadib markii labada dhinac oo ahaa Keeb la yuurar ay si ka' ah isugu dheceen, lamana oga khasaaraha kala gaaray labada dhinac ee saaka ku dagaalamay halkaas.

Wararka laga helayo degmada Kaaraan ayaa sheegaya in labada dhinac ay weli isku horfadhiyaan deegaanadii ay horay ugu dagaalameen ee degmooyinka Kaaraan iyo Yaaqshid, mana jiro war ka soo baxay labada dhinac.

Xaalada deegaanadii ay saaka iska horimaadyada ka dheceen ayaa ah mid deggan inkasta oo weli labada dhinac ay isku horfadhiyaan qeybo kamid ah deegaanadii ay saaka ku dagaalameen.
Degmada Kaaraan ayaa noqotay maalmihii ugu dambeeyey meelo ay si xooggan ugu dagaalamaan xoogagga mucaaradka ah iyo ciidanka dowladda KMG ah.

Mudugnet.com Xafiiska Wararka Magaalada Muqdisho Somalia