Xoogaga Islaamiyiinta ah oo la wareegay inta badan Gacan ku haynta gobalka Shabeelaha Dhexe

 

MudugNet, Muqdisho. Jimce, June 26, 2009.
 

Xiisada colaadeed ayaa weli ka aloosan degeenada Waqooyi ee gobalka Shabeelaha Dhexe kuwaas oo u dhexeeya Xoogaga Al Shabaab iyo Haraadigii Maamulkii Maxaakimta ee dowlada raacsan.

Xoogaga daacad u ah Al Shabaab ayaa la sheegay in ay shalay xoog ku galeen tuulada Ceelbaraf gobalka Shabeelaha dhexe oo ay horay u joogeen Maxaakimta Islaamka.
Wararka nagasoo gaaraya degmada Ceelbaraf ayaa xaqiijinaya in halkaasi ay weli ku suganyihiin xoogaga hubaysan ee kasoo horjeeda dowlada KMG Somalia iyo ciidanka shisheeye.

Dad ku sugan degmada Ceelbaraf ayaa sheegay in wax dhib ah aysan ka dhicin gudaha degmada balse ay shacab badan oo halkaasi ku barakacay ay muujiyeen cabasi dagaal.
Dagaal kooban oo shalay deegaanka calaag ku dhaxmaray Al Shabaab iyo ciidan uu wato Sheekh Daahir Cadow gudoomiyihii gobalka ayaa joogsaday waxaana jira warar sheegaya in gaadiid ay lahaayeen Maxaakimta ay la wareegeen dhinaca kale.

Wararka ayaa intaas ku daraya in Xoogaga gaaray Ceelbaraf ay bilaabeen dhax dhaxaadin ay ka dhaxwadaan beelaha Xawaadle iyo Abgaal oo Muddo 100-sana ah halkaasi ku dagaalamayay

Mudugnet.com Xafiiska Wararka Magaalada Muqdisho Somalia.