Maalinta Xoriyada Somalia oo aan Muqdisho iyo Gobalada kale laga xusin iyo Calan Madoow ah oo bedelay Calankii Buluuga ahaa.

 

MudugNet, Muqdisho. Jimce, June 26, 2009.
 

Maanta oo ay Taariikhdu ku beegantahay 26-ka Bisha Juun waxay ku astaysantahay maalinta Calanka Soomaaliyeed balse majirin wax fantasya ah oo arrinkaas lagu maamuusayo maadaama ay dalka ka jiraan dhibaatooyin farabadan.

Gobolada Dalka Somalia iyo magaalada Muqdisho kama dhicin wax fantasya ah oo lagusoo dhawaynayo Munaasabada qiimiga badan marka laga reebo meelo fara kutiris ah.
Maalintii ugu horaysay oo calan Somali ah la taago mana jirin wax munaasabad ah oo loo dhigay, Warbaahinta magaalada Muqdisho ayaa u muuqatay mid ka gaabisay ka hadalka Munaasabadaasi sababa laxariiray kooxaha haysta Muqdisho inteeda badan oo aan ogolayn calanka Buluga ah ee Somalia.

Gobalada Jubbooyinka, Shabeelooyinka, Bay, Bakool,Hiiraan,Gedo Banaadir,iyo degmooyinka Ceelbuur,Wabxo,Ceeldheer,Xarar Dheere dhamaan gobaladaas iyo degmooyinkaas kama dhicin wax munaasabad ah oo loogu dabaal degayo maalinta Xoriyada waqooyiga Somalia.

Calanka Buluuga ah ee Somalia waxaa bedelay calan Madoow ah oo ay wataan Xoogaga hubaysan ee dowlad kasoo horjeeda.
Magaalooyinka Dhuusamareeb iyo Guri Ceel ayaa noqday meelaha kaliye ee Koonfurta Somalia laga xuso munaasabadda 26-ka Juun oo ah maalinta xoriyada Somalia.

Waa markii ugu horaysay oo aan Somali laga xusin munaasabada maalinta xoriyada Gobalada Koonfureed ee dalka Somalia.

Mudugnet.com Xafiiska Wararka Magaalada Muqdisho Somalia