Dhaqanka Hawiye oo ka hadlay dagaalada weli kasii socdo magaalada Muqdisho

 

MudugNet, Muqdisho. Arbaco, June 17, 2009.
 

Waxgaradka Beelaha hawiye ayaa walaac balaaran ka muujiyay dagaalada iyo duqaymaha ay ku dhamaanayaan shacabka ee weli kasii socda magaalada Muqdisho.

Nabadoon Xaad oo wareysi siinayey mid kamid ah idaacadaha magaalada Muqdisho ayaa sheegay inay ka xun yihiin Gole ahaan dagaalada ka dhacaya magaalada Muqdisho, waxaana uu sheegay inay ugu baaqayaan dhinacyada dagaalamaya inay shuruud la'an dagaalka joojiyaan.

Wuxuu sheegay Mr. Xaad in dagaalka dhibtiisa ugu badan ay gaarayso shacabka maatida ah ee lagu dul dagaalamayo, waxaana uu ugu baaqay dhinacyada dagaalamaya inay dulqaad muujiyaan oo ay shacabka u turaan.

Wuxuu sidoo kale xaad si kulul u cambaareeyey ciidamada AMISOM oo uu sheegay inay duqeyn aan kala go'laheyn la beegsadeen xaafadaha ay ku dhaqan yihin dadka shacabka ah ee magaalada Muqdisho.

"Ciidanka AMISOM mar walba maaha inay shacabkeena duqeeyaan oo ay dhiigooda baneynstaan waana cambaraynaa in deegaano aan dagaal ka jirin ay madaafiic la dhacaan" ayuu yiri Xaad

Mas'uuliyiintan katirsan dhaqanka Hawiye ayaa ka digay in dalka Somalia uu ugacan galo cadaw aan la aqoon hadii ay sii socdaan dagaalada u dhexeeya Somalida.

Mudugnet.com Xafiiska Wararka Muqdisho Somalia