Midowga Afrika oo Beeniyey in Ciidamada Ethiopia gudaha u galeen qeybo ka mid ah dalka Somalia

 

MudugNet, Muqdisho. Talaado, June 16, 2009.


 
Madaxa Amaanka iyo Nabad galyada Midowga Afrika ayaa wararka sheegaya in ciidamada Ethiopia gudaha u galeen dalka Somalia waxa uu ku tilmaamay kuwa la buunbuuniyey oo aan sal iyo raad laheyn.

Shariif Maxamed Zene madaxa amaanka iyo Nabad galyada midowga Afrika ayaa xusay in wararkaas aysan aheyn kuwa xaqiiq ah, waxaana uu sheegay in ciidamada Ethiopia aanay dib u galin gudaha Somalia.

Wuxuu tilmaamay in Somalia ay ka dagaalamayaan dad shisheeye ah kuuwaas oo uu xusay inay ka barbar dagaalamayaan kooxaha mucaaradka, isagoona intaas ku daray in dadka shisheeyaha ee Somalia ka dagaalamaya aanay dooneyn inay Somalia nabad ka dhalato.

"Waxay doonayaan inay carqaladeeyaan Dalka Somalia Ujeedo kale malaha" ayuu yiri Mr. Shariif Maxamed Zene madaxa amaanka iyo Nabad galyada midowga Afrika.


Xafiiska Wararka Muqdisho.