Dagaaladii ugu cuslaa oo maanta ka dhacay magaalada Muqdisho iyo Mucaaradka oo meelo hor leh qabsaday

 

MudugNet, Muqdisho. Khamiis, July 02, 2009.
 

Dagaallo qaraar ayaa maanta mar kale ka dhacay xaafado katirsan degmooyinka Kaaraan iyo Shibis magaalada Muqdisho oo maalmihii lasoo dhaafay ahaa masrax dagaal.

Xoogaga Mucaaradka ah ayaa maanta dagaaladii ku qabsaday deegaano dhowr ah oo ay horay u joogeen ciidamada dowlada Federaalka Somalia.
Khasaara nafeed iyo mid maaliyadeed ayaa ka dhashay dagaalkii maanta ka dhacay degmooyinka Kaaraan iyo Shibis magaalada Muqdisho.

inta la ogyahay ku dhawaad 15-qof ayaa inta la xaqiijiyay ku geeriyooday dagaalkii maanta islamarkaana boqolaal dhaawac ah lagu daad gureeyay cisbitaalada Muqdisho.

Dagaalada ayaa kusoo fidaya degmooyinka C/casisii, Shangaani iyo agagaarka Qasriga Madaxtooyada Villa Somalia, waxaa laga cabsi qabaa in dagaalka ay kusoo biiraan ciidamo ajaanib ah oo dowlada taageera.

Mudugnet.com Xafiiska Wararka Magaalada Muqdisho.