Ciidamo daacad u ah Yuusuf Indha Cadde oo galabta dagaal ku yimid agagaarka Suuqa Bakaaraha Magaalada Muqdisho

 

MudugNet, Muqdisho. Khamiis, July 02, 2009.



Ciidamo daacad u ah Wasiiru Dowlaha Wasaaradda Gaashaandhigga Dowlada Federaalka Somalia Yuusuf Max'med Siyaad Indha cadde ayaa galabta weerar kusoo qaaday Suuqaa Bakaaraha magaalada Muqdisho oo kamid ah meelaha ay maamulaan xoogaga Islaamiga ah.

Dagaal culus balse muddo daqiiqada ah socday ayay Ciidanka dowlada ee Indha Cadde taabacsan kusoo qaaday Isgoysyada H/wadaag, Hodon iyo Geed Jacayl waxaana halkaasi ka dhacay dagaal markii dambe joogsaday.

Ciidanka Indha Cadde oo bilaawgii dagaaka ku gacan sareeyay meela badana soo qabsaday ayay markii dambe u awood sheegteen xoogaga hubaysan ee dowlada Federaalka Somalia kasoo horjeeda.

Mudugnet.com Xafiiska Wararka Magaalada Muqdisho