Maalinta Xoriyada oo si gaabis ah looga xusay Magaalada Muqdisho
MudugNet, Muqdisho. Arbaco, July 01, 2009.
Munaasabada Kowda Luuliyo ayaa si hagaagsan looga xusay magaalada Muqdisho waloow inta badan ay magaalada gacanta ugu jirto Islaamiyiin aan jeclayn xuska maalintaasi.
Mas'uuliyiin katirsan dowladda Federaalka Somalia ayaa ka qayb gashay munaasabado si qarsoodi ah loogu qaybtay degmooyinka ay dowladu ka maamusho magaalada Muqdisho.
Munaasabad ka dhacday xarunta maamulka gobalka Banaadir waxaa hadalo ka jeediyay mas'uuliyiin dowlada katirsan oo ku dheeraaday muhiimada maalinta xoriyada Somalia.
Taliyaha Ciidanka Booliska cabdi Qaybdiid ayaa kamid ahaa dadkii munaasabadaasi ka qayb galay wuxuu sheegay in qaranka Somalia uu qarka u saaranyahay cadaw shisheeye.
" Kowda Luuliyo waa maalin farxad leh waana markii aan xoriyada ka qaadanaya cadawgii Talyaaniga islamarkaana ay midoobeen gobolada Koonfur iyo Waqooyi" ayuu yiri qaybdiid.
Waxaa sidoo kale munaasabadii lagu xusayay kowda Luuliyo ka hadlay Maxamed Cismaan Dhagaxtuur gudoomiyaha gobalka Banaadir ahna duqa magaalada Muqdisho.
Mudugnet.com Xafiiska Wararka Magaalada Muqdisho
