Yuusuf Indha Cadde " Al Shabaab aniga igama cilmi badna waxay rabaan in ay dadka wareeriyaan".

 

MudugNet, Muqdisho. Arbaco, July 01, 2009.
 

Yuusuf Maxamed Siyaad Indha cadde oo katirsanaa Hogaamiyayaasha Mucaaradka ayaa loo magacaabay Wasiiru dowle katirsan dowldda Federaalka Somalia.
Indha Cadde oo Warbaahinta lahadlay ayaa shaaca ka qaaday in uu dagaal dhan walba ah lageli doono xoogaga Islaamiyiinta ah ee uu mar kamid ahaa sida Al Shabaab iyo Xisbul Islaam.

Wasiiru dowlaha Wasaaradda Gaashaandhigga ayaa shaaca ka qaaday in xoogaga Al Shabaab uu isagu kamid ahaa aas aasayaashoodii balse uu ka baxay markii ay galeen khaladaad sida uu hadalka u dhigay.
" anigu xiligii dowladii Siyaad Barre ciidan ayaan ahaa mana duka jirin, waxaana aaminsanaa in aan ahlu jana aah hadaan itoobiya la dagaalo, Al Shabaab aniga igama cilmi badna maxay dadka u dilayaan" ayuu yiri Indha Cadde.

Indha Cadde wuxuu si cad u sheegay in Hoggaamiyaha Al Shabaab Shiikh Mukhtaar Godane uusan ahayn Nin wadaad ah oo wax xukumi kara.
"Godanaha Shabaab madaxda u ah waan aqaan aniga igama cilmi badna wuxuu rabaa in uu dhalinyaro habaawsan dadku ku dilo" ayuu yiri indha cadde.

Mudugnet.com Xafiiska Wararka Magaalada Muqdisho