Cali Diiriye Aloore “Ciddii lagu Qabto Hub iyo Qamri Waxaa lala Tiigsanayaa Shareecada Muxamadiyada”
Mudugnet, Gaalkacyo, Talaado, 17ka Agoosto, 2010
Cali Diiriye Aloore oo dhawaan Cabdi Shujri Cali Xirsi U magcaabay Gudoomiyaha Amniga Xoogaga Ahlu Sunna Bad-baadada Qaranka ee Gobolka Mudug oo Galabta Waraysi siiyay Qaar ka tirsan Warbaahinta Gobolka Mudug Waxa uu kaga hadlay Xaaladda Amaan ee Magaalada oo uu sheegay inay tahay mid kasii daraysa kadib markii ay ku soo bateen kooxo uu ku sheegay inay Nabadda Gobolka Carqaladaynayaan
Waxa uu Cali Diiriye xusay in Ciidadama Ahlu Suna ee Gudoomiyaha Amniga u yahay laga bilabo Caawa 7:00 da fiidnimo ilaa 6:00da Aroornimo ay wadanyaan Roondo ay ku sugayaan Amaanka Xaafadaha iyo wadooyinka Magaalada Galkacyo oo uu ka dayriyay Xaaladdeeda Amaanka Habeenidii ugu danbeeyay waxa uu sheegay inay il Gaar ah ugu eegi doonaan Gawaardida xiliyada danbe socda ee ay wataan kooxaha buracad badeeda oo uu ku eedeeyay inay Amni darida qayb weyn ku leeyihiin
“Magaalada waxaan ku soo fasaxaynaa Ciidamo aad u badan waxay Sugayaan Amaanka Guud ee Xaafadaha & Wadooyinka waxay ka shaqaynayaan Nabadgalyada dadku waa iney la shaqeeyaan Ciidamada markii la gaaro Afarta fiidnimo lama Ogolaanayo Gaari socda Magaalada dhexdeeda marka laga reebo kuwa lagama maar maanka u ah bulshada waxaan digniin ujeedinaynaa Kooxaha Burcad badeeda ee Gawaarida xiliyada danbe ku dhex wata Magaalada qamrigana isticmaala waxaan u sheegaynaa in talaabo culus laga qaadayo Sidoo kale Cidii lagu Qabto Hub & Qamri waxaa lala tiigsanayaa Shareecada Muxamadiyada” Ayuu yiri Cali Diiriye Aloore. oo intaasi raaciyay inay Socon doonaan roondooyinka xiliyada habeenkii ah ilaa laga xaqiijiyo Nabad Galyo buuxda.
Cali Diiriye oo wax laga waydiiyay in hawlglada ay wax ka Ogyihiin Saraakiisha Ciidamda Galmudug waxa uu kaga jawaabay “Anaga waxana ka shaqaynaynaa Amaanka dadkeena iyo dalkeen Mas’uulka ugu Sareeya Ciidamada Galmudug waa Max’d Nuur Cali Gadaaar waxaana nahay isku Mawqif Nabadduna waxay noo tahay dan adeer.
Kadib hadalka Cali Diiriye Aloore waxaa wadooyinka iyo Xaafadha Magaalada Galkacyo Cawa lagu arkayay Ciidamo aad u badan oo ku labisan tuutaha kana Amar qaataha Ahlu sunada uu Gudoomiyaha ka yahay Cabdi Shukri isla markaana si foojigan roondo u samayanya waxayna talaabooyinka ugu horeeyay ay wax ka qabteen caawa ahaayeen Waxyaabaha Baaruuda ah ee ay ku Ciyaaran Caruurta oo ay ka aruuriyeen. Taas oo dhibaato ku qabaan dadweynaha Magaalada Galkacyo.
Cabdalla Max’d C/lle
Mudugnet Galkacyo
Galmudug State SOMalia
