Friday, August 2oth,
2010.
Bismilaahir
Rahmaanir Rahiim
Soomaalida
maanta waxay
noqotay qoom
laga xishoodo
inla sheegto
sababtuna waxaa
weeye sida
dulinimadaa,
aqmaxnimadaa,
dadnimo xumidaa
oo ay u
burburiyeen
qarankoodii,
midnimadoodii
iyo
dowladnimadoodii
iyagoo kadoor
biday in ay reer
reer ukala
soocmaan oo uu
reer waliba
saarto calan
Qabiil asagoo
magansanaya si
dulinimaana ugu
adeegaya danaha
gumeysi ee
Tigreega
Xabashida oo uu
horboodo balada
Meles Zenawi.
Waxaa caado
foolxun noqotay
in Qabaa'ilada
Soomaaliyeed ay
saf ihaaneysan u
galaan xaafiiska
balo wade Meles
Zenawi iyagoo ku
cataabaya oo ku
wardinaya in uu
u taliyo oo ay u
noqonayaan -Qadaamiin
iyo camiilo u
dhaganugul waxla
wixii awaamiir
ah oo uu farayo
balo wade Meles
Zenawi !
Waxaa hore
sanadihii 1991
iyo 1998 qoorta
ugu dhiibtay
Meles Zenawi
Qabaa'ila Isaaq
iyo Majeerteen
kuwaasoo hadda
ku milman kana
mid ah
boqortooyada
gumeysi ee Meles
Zenawi. Sidoo
kale waxaa
qoorta u
dhiibtay Meles
Zenawi TFG-dii
uu borboodayay
camiilkii
Xabashi ee
Cabdullahi Yusuf
si uu u gumaado
shacabka
bartamaha iyo
koofurta Somalia
kuwaasoo uu ula
dagaalamayay
reer ahaan. Sidoo
kale, waxaa asna
qoorta u
dhiibtay Meles
Zenawi Sheekh
Shariif iyo
kooxdiisa TFGda
hadda ka
qowlaysata
geyiga Somalia.
Waxaa asna
dhulka isku
jiiday oo qoorta
u dhiibtay Meles
Zenawi, Sheekh
Ibraahim Dheere
oo hogaamin
jiray koox kamid
ah ururka
qabiileysan ee
ONLF.
Waxaa iyaguna
xawaare ku tegay
Addis Ababa
kooxda isku
magac-cowda Ahlu
Sunna waljamaaca
kuwaaso iyana si
ihaanaa qoorta
ugu dhiibtay
Meles Zenawi.
Aaqirkii waxaa
jidbo iyo
khushuuc ku
tagay Addis
Ababa Col.
Mohamed Axmed
Caalin oo hadda
horbooda
shacabka
Galmudug.
Tigree Meles
Zenawi wuxuu
usoo hooyay
dalka Xabashida
guulweyn
kagadaal kolkii
uu burburiyay
dalka Somalia
asagoo u maray
wadada "qaybi oo
xukun)
amuurtaasoo
kutimid damiir
la'aanta, diin
la'aanta, wadani
xumida,
dawarsiga,
qabiil caabudka iyo
dadnimo xumida
ummadda
Soomaaliyeed.
Hoggaamayaashii
soomaray dalka
Xabashida sida
Boqoradii
Mililiq, Haile
Salaase iyo
warlord Mingistu
Haile Mariam,
way ku hinaasi
ama coowri
lahaayeen guusha
uu ka gaaray
Meles Zenawi
burburinta iyo
kala qaybinta
dalka Somalia
haddii ay awoodi
lahaayeen in ay
Godka mugdigaa
ee aakhiro ay
kasoo baxaan ! (
Mingistu Haile
Mariam wali waa
noolyahay).
Ilamaa hadda
waxaa calamo
qabiil saartay
ama maamulo ku
sheeg qabiil
samaystay:-
* Somaliland
* Puntland
* Midland
(Hiiraanland)
* Galmudug
* Waax Iyo Waadi
* Gedoland
* Waxaa soosocda
gobolo kale oo
qabaa'il
Gunaanad
Sida hadda
xaaladda dadka
iyo dalka
Somalia kusocoto,
waxay u egtay in
ummadda
Soomaaliyeed ay
mari doonaan
wadadii ay
martay oo lugu
kala qaybsaday
oo lagu kala
dhantaalay
qoowmiyadda '
Kurdishka' oo
ay kala liqeen
ama kala
qaybsadeen
dalalka Turkiga,
Suuriya iyo
Iraq.
Dowladaha
Xabashida, Kenya
iyo
xulufooyinkooda
baa usoo tafa
xeytay in ay jilbaha
dhulka u dhigaan
dalka iyo
ummadda
Soomaaliyeed
si loo hantiyo
khayraadka
ceegaaga
dhulweynaha
Soomaaliyeed.
Taasi waxay ku
suuragashay wax
ma garato
Calooshood u
shaqeystayaal
Soomaali ah oo
iibsaday
qarannimadii,
midnimadii,
karaamadii iyo
madax
bannaanidii
dalka iyo
ummadda
Soomaaliyeed.
Abdullahi
sultaan
Timacade(aun)
baa sifiican u
tilmaamay
dadnimo xumida ,
qabyaaladda iyo dammanaata
shacabka
Soomaaliyeed
wuxuuna yiri"
dadka aan la
hadlayaan lahayn
dux iyo iimaane,
wixii hore u
daashaday bey
daba dudeysaaye,
dugsi maleh
qabyaalade waxay
dumiso mooyaane".
Dhowaan waxaa
ciidamada
gumeysiga ee calooshood
u
shaqeystayaalkaa
ee Amisom oo had
iyo goor
shacabka ku
xasuuqa
magaalada
Muqdisho madax
looga warlord-kii
tigreega ahaa
Col. Gabre oo
xasuuqa ba'an ka
geystay
bartamaha iyo
koofurta dalka
Somalia
sanadihii
2006-2009. Col.
Gabre wuxuu
kaloo Dowladda
Xabashida u
qaabilsan yahay
" isku dirka,
kala furfurka
iyo gobolo
qabaa'il u
sameynta ummadda
Soomaalida
iyadoo ahdaaftu
tahay in
qaabaa'ilada
Soomaalidu si
toos ah u hoos
tagaan
boqortooyada
gumeysiga madow
ee Xabashida oo
uu hadda
garwadeenka ka
yahay musiibada
Meles Zenawi.
Haddaba haddaan
la helin tab iyo
talo waayeel
oo ay curiyaan
dad damiir leh
oo Soomaaliyeed
taasoo lagu
badbaadinayo
Jamuuryadda
Somalia oo xor
noqotay 1960,
waxaa hubaal ah
in dalka iyo
shacabka
Soomaaliyeedba
ay hoos tagi
doonaan gumeysi
doqomeedka
Xabashida madow
oo
cawaantaa.Waxaa
loo baahan yahay
inla helo (urur
lamid ah kii ay
aasaaseen
dhalinyaradii
SYL oo la unkay
1943 si Somalia
looga
samatabixiyo oo
looga xoreeyo
gumeystayaashii
reer Europe,
ahdaaftaasoo ay
ku guuleysteen
dhalinyaradii
SYL, walow
cadowga Somalia
iyo calooshood u
shaqeystayaal
Soomaali ahi ay
aaqirkii
fashiliyeen
himilooyinkii
iyo ahdaaftii
dhallinyaradii
SYL kagadaal
kolkii uu
xukunkii dalka
Somalia uu
gacanta u galay
dhagar qabayaal
iyo jawaasiis uu
barbaariyay
gumeystihii la
haraatiyay !
Dalka iyo dadka
waxaa badbaadi
kara oo kaliyah
dadkiisa, inta
kale waxay
doonayaan in ay dhufaanaan
oo qaribaan !
Kaarshe Majiid
