Galmudug State iyo Shan sanno guuro sharaf leh, waxaan ku gaarnay dadaalkeyna iyo kartideyna
By Xaawo Salaad Kadiye
Muqdisho, August 20, 2011.
Maamulka Galmudug State waxa uu jirsaday 5 sanno, waxaana dhihi karaa waxa uu noqday maamul lagu liibaanay, oo isbarbaryaacii dalka ka jiray looga badbaaday.
Waxaa run ah in riyadii qaarkeed lagaaray, oo maamul aduunka laga aqoonsayahay lagaaray, waa guul maantay, hadii aan heysano maamul la isku raacsan yahay.
Cudurka maanta haya Galmudug State waa musuqmaasuq daashaday madaxda maamulka Galmudug State, waana in loo hawlgalo sidii loo saxi lahaa qaladka jira, lana sii hormariyo mirrihii lagaaray 5tii sanno ee lasoo dhaafay.
Waxaan ku baaqi lahaa in la dhiso guddiyo soo celiyo kalsoonida shacabka iyo qurbajoogta Galmudug State.
Guddiga waa in uu ka koobnaado qeybaha bulshada, waa in la soo xulaa dad jecel horumarka Galmudug oo si mutadawacnimo ah u shaqeenaya oo mushaar iyo jaggo aan ka rabin. Waa in la siiyo awood buuxda oo ay ku ogaan karaan wasaarad kasta qaabka ay u shaqeeneyso.
Madaxda maamulka hadii aan cannaantay, waxaan ayaguna eed la’aan aheyn Qurbajoogta, oo sidii la doonayay uga soo bixin kaalintooda, waxaan dhihi karaa Galmudug sidii ay u bilaabatay uma socoto, hadii aysan gaabisga la kulmi laheyn oo xawligii ay ku socotay ku sii jiri laheyd maantay waxaa la arki lahaa gobollo hor leh oo ku biiraya maamulka.
Sikastaba ha ahaatee, waa in dhexda loo xirto adkeynta maamulka iyo horumarinta deegaanada Galmudug, waxaan rajeenayaa in madaxda Galmudug State, iyaguna ay dareemi doonaan gaabiska dhinacooda ka jira.
Xaawo Salaad Kadiye (xaawo92@hotmail.com)
Tel- 252615662322
